Kaupanger-Revsnes-Gudvangen

Kaupanger-Revsnes-Gudvangen var eit supplerande ferjesamband i Indre Sogn mellom Kaupanger i Sogndal kommune, Revsnes i Lærdal kommune og Gudvangen i Aurland kommune som del av gamle Europaveg 68 mellom Lærdal og Gudvangen. Sambandet vart til i 1966 då ferjesambanda i Indre Sogn vart lagde opp på nytt med at nye Revsnes ferjekai erstatta gamle Lærdal ferjekai.

Kaupanger-Revsnes-Gudvangen
Trasé	Kaupanger-Revsnes-Gudvangen
Rutenett	Tidlegare ferjesamband i Indre Sogn
Driftselskap	Fylkesbaatane
Oppretta	1966
Nedlagd	1995
Overtok for	Lærdal-Kaupanger-Gudvangen
Erstatta av	Lærdal-Kaupanger-Gudvangen

Likevel måtte Lærdal ferjekai brukast titt og ofte i etterkant då den nye vegen til Revsnes var svært rasutsett og vegen vart stengd mange gonger. Difor vart Revsnes ferjekai og vegen dit stengt umiddelbart i 1995 etter opninga av det nye riksvegsambandet Mannheller-Fodnes mellom Lærdal og Kaupanger, og Kaupanger-Revsnes-Gudvangen vart erstatta av det gamle sambandet Lærdal-Kaupanger-Gudvangen med lengre overfartstid vart sett i drift att som ei mellombels løysing til Lærdalstunnelen opna i 2000.

Kjelder

• Magnus Helge Torvanger (2008). Frå dampskip til gassferjer : Fjord1 Fylkesbaatane 150 år : 1858-2008. Førde: Selja forlag. s. 75. ISBN 978-82-91722-93-1. 

Bakgrunnsstoff

• Kristin Ese: «Dei første ferjesambanda i Sogn» på nettstaden til Fylkesarkivet i Vestland
• Finn Borgen Førsund: «Dampen og kaia : stoppestader for Fylkesbaatane i Sogn og Fjordane 1858-1998» på nettstaden til Nasjonalbiblioteket

Sjå òg

• Årdalstangen-Kaupanger-Revsnes-Gudvangen
  Denne samfunnsartikkelen som har med Vestland å gjere, er ei spire. Du kan hjelpe Nynorsk Wikipedia gjennom å utvide han.