Kiberg bedehuskapell

	Kiberg bedehuskapell
	kapell
	Foto: Hans Olav Lien
Land	Noreg
Fylke	Finnmark
Kommune	Vardø
Kyrkjesamfunn	Den norske kyrkja
Bispedøme	Nord-Hålogaland
Prosti	Varanger
Sokn	Vardø
Fellesråd	Vardø
Material	Tre
Innvigd	1924
Kyrkjegard	Det er kyrkjegard vestom bedehuskapellet
Sitjeplassar	65
	; Kiberg bedehuskapell; 70°17′10″N 30°59′07″E / 70.28609°N 30.98533°E
	Wikimedia Commons: Kiberg bedehuskapell

Kiberg bedehuskapell er eit kapell i Kiberg i Vardø kommune i Finnmark. Huset vart bygd som bedehus i 1924.

Plasseringa til Kiberg bedehuskapell

Bygget er i tre og har sitjeplassar til 65 personar. Preikestolen er plassert like bak alteret. På veggen bak preikestolen heng det eit målarstykke som viser den store kvite flokk. Det vart laga under andre verdskrigen. Under krigen hadde bedehuset vorte rekvirert av dei tyske styrkane, men då dei ikkje lenger brukte det fekk kibergingane det attende. Det var då måla ymse slagord på tysk på veggene inni huset. Eit av slagorda gav inspirasjon til målarstykket og det ber framleis påskrifta «Kun en kan overhode seire, og det er vi.»

I 2005 måtte kommunen spare pengar og leigeavtalen med Normisjon for huset vart oppsagd. Då vart det danna eit venelag, kalla Bedehusets venner, som stod for vidare drift av bedehuskapellet.^[1]

Det har lenger attende i tid vore kyrkje i Kiberg. Den siste vart riven i 1746 fordi ho var i så dårleg stand. Barokkaltertavla frå kyrkja vart då flytt til Nesseby kyrkje.^[2]

Kiberg bedehuskapell ligg i Vardø sokn i Varanger prosti.

Kjelder

Referansar

Bakgrunnsstoff

[1] «Bedehusets venner» på nettstaden til Vardø kyrkjelyd^{[daud lenkje]}

[2] «Nesseby kirke» på nettstaden Arkitektturguide for Nord-Norge og Svalbard

[1]

[2]