Kokosnøtt
Kokosnøtt (Cocos nucifera) er ei stor steinfrukt frå kokospalmen. Ei kokosnøtt kan vega opptil tre kg. Skalet på frukta er svært hardt, og omgitt av eit lausare fiberlag når ho sit på treet. Dette kan fjernast og brukast som kokosfiber.
Fruktkjøtet er kvitt, og i kjernen finst ei nær fargelaus væske, kokosvatn, som seinare blir kvitleg og tjukkare, kokosmjølk. Kokosvatnet kan drikkast ferskt eller brukast til å laga alkoholdrikkar som arak eller palmevin. Tørka fruktkjøt blir kalla kopra og er ei viktig vare i framstillinga av produkt som margarin og såpe. Tørka og riven frukt blir kalla kokosmasse og kan brukast i bakverk eller til middagsretter som karri.
Kjelder
endre- «Kokospalme» (14. februar 2009), Store norske leksikon. Fri artikkel henta 18. januar 2015.
- Denne artikkelen bygger på «Kokosnøtt» frå Wikipedia på bokmål, den 18. januar 2015.
