Kvitgumpseglar
Kvitgumpseglar (Apus caffer) er ein fugl i seglarfamilien som lever Afrika sør for Sahara, men òg med spreidde førekomster av hekkande fuglar på Den iberiske halvøya.
| Kaffarseglar | |
.jpg) Kvitgumpseglar Foto: Derek Keats
| |
| Status | |
Status i verda:  Livskraftig
| |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Orden: | Seglarfuglar Apodiformes |
| Familie: | Seglarar Apodidae |
| Slekt: | Apus |
| Art: | Kaffarseglar A. caffer |
| Vitskapleg namn | |
| Apus caffer | |
Skildring
endre
Dette er små fuglar med kroppslengd på 14 centimeter og vekt på 22 gram. Karakteristisk for arten er den kvite overgumpen og djupt kløfta hale. Dei kan flyge med halefjørene samla i ein kileform slik at gaffelforma ikkje er synleg. Vengene er relativt lange, fjørdrakta mørk med ein kvit flekk i strupen i tillegg til kvitt på gumpen.[1]
Utbreiingsområdet er stort sett Afrika sør for Sahara, lengst sør på kontinentet er dei trekkfuglar. Det finst dessutan hekkefuglar i Marokko og sør på Den iberiske halvøya som trekker sørover for overvintring.[1]
Kvitgumpseglarar parasitterer svalereir for hekking, i Spania kan dei hekke i nedlagde bygningar.[1]
Det finst ein godkjent observasjon av to individ i Noreg i 1986.[2] I 2014 vart artsnamnet på norsk endra frå kafferseglar (bokmål: kafferseiler) til kvitgumpseglar.[3]
Storleiken på populasjonen er ikkje estimert, men er trudd å vere aukande. Arten er klassifisert som globalt livskraftig.[4]
Kjelder
endre- Denne artikkelen bygger på «White-rumped swift» frå Wikipedia på engelsk, den 26. november 2017.
- Referansar
- ↑ 1,0 1,1 1,2 Chantler, P. & Boesman, P. (2017) White-rumped Swift (Apus caffer) I: del Hoyo, J., Elliott, A., Sargatal, J., Christie, D.A. & de Juana, E. (red.) (2016). Handbook of the Birds of the World Alive. Lynx Edicions, Barcelona. Henta den 26. november 2017
- ↑ «Artsobservasjoner - rapportsystem for arter i Norge». Henta 25. november 2017.
- ↑ Syvertsen, P. O., Norsk navnekomité for fugl (NNKF). Endringer i norske navn på fuglearter i Vest-Palearktis. (Vedlegg) Norsk Ornitologisk Forening sin nettstad (publisert 7.8.2014)
- ↑ BirdLife International (2017) Species factsheet: Apus caffer Arkivert 2016-09-09 ved Wayback Machine.. Henta frå http://www.birdlife.org den 26. november 2017
