Laholms kommun
Laholms kommun er ein kommune i Hallands län i Sverige. Innanfor Hallands län grensar kommunen til Halmstads kommun i nord. Dessutan grensar han til Båstads kommun, Ängelholms kommun og Örkelljunga kommun i Skåne län i sør, og til Markaryds kommun og Ljungby kommun i Kronobergs län, i høvesvis aust og nordaust. Administrasjonssenteret i kommunen er Laholm.
| Laholms kommun | |||
| kommune | |||
 | |||
|
|||
| Land |  Sverige
| ||
|---|---|---|---|
| Len | Hallands län | ||
| Landskap | Halland | ||
| Del av | Halland, Q31883951, Q61546070 | ||
| Centralort | Laholm | ||
| Areal | 907 km² | ||
| • land | 888 km² | ||
| • vatn | 18 km² | ||
| Folketal | 20 153 | ||
| Folketettleik | 22 / km² | ||
 Laholms kommun 56°31′00″N 13°02′00″E / 56.516666666667°N 13.033333333333°E | |||
 Kart som viser Laholms kommun.
| |||
| Wikimedia Commons: Laholm Municipality | |||
| Nettstad: www.laholm.se | |||
Landskapet i kommunen er hovudsakleg småkupert. Ein finn barskog og myrar i aust og nord, og slettelandskap i vest. Kysten er sandrik. Når det gjeld næringsvegar, er det mykje verkstad-, plast- og næringsmiddelindustri i kommunen, i tillegg til jord- og skogbruk. Oppdrett av laks er også ei viktig næring.
Administrativ historikk
endreLaholms kommun omfattar elleve opphavlege einingar (Laholms stad og ti sokn), som vart gjorde til kommunar då kommunalforordningane tredde i kraft i 1863. Denne ordninga gjaldt fram til kommunereforma i 1952, som hadde innverknad på området gjennom at kommunane Tjärby og Veinge vart slegne saman til storkommunen Veinge, Ränneslöv og Ysby danna Ränneslöv, samt at Karups landskommun vart oppretta ved samanslåing av Hasslöv, Skummeslöv og Östra Karup. Dei andre landskommunane, samt Laholms stad heldt fram slik dei var. I 1971 vart Laholms landskommun, samt Våxtorp og forsamlingane Hasslöv og Skummeslöv frå den oppløyste Karups kommun, slegen saman med Laholms stad og danna Laholms kommun. Kommunen vart slik han var i dag i 1974, då også Hishult, Knäred, Ränneslöv og Veinge vart innlemma i kommunen.
Kommunevåpenet
endreBlasonering: På blå bakgrunn, tre vassrette laksar i sølv og raudt.[1]
Fiskane kjem frå seglet byen hadde i mellomalderen. Då våpenet skulle fastsetjast av kongen på 1940-talet, vart dei definerte som laksar. Etter kommunesamanslåinga vart våpenet registrert for Laholms kommun i Patent- och registreringsverket i 1974. Frå 1960-talet fanst det også to andre våpen innanfor kommunegrensa.
Tettstader
endreDet er 14 tettstader i Laholms kommun.
Tettstadene i tabellen er ordna etter innbyggjartal per 31. desember 2005. Administrasjonssenteret er utheva.
| Nr. | Tettstad | Folketal |
|---|---|---|
| 1. | Laholm | 5 835 |
| 2. | Mellbystrand | 1 681 |
| 3. | Veinge | 1 176 |
| 4. | Knäred | 1 129 |
| 5. | Våxtorp | 986 |
| 6. | Lilla Tjärby | 882 |
| 7. | Vallberga | 647 |
| 8. | Genevad | 597 |
| 9. | Skummeslövsstrand | 454 |
| 10. | Skottorp | 451 |
| 11. | Ränneslöv | 425 |
| 12. | Hishult | 356 |
| 13. | Ysby | 246 |
| 14. | Hasslöv | 242 |
Kjelder
endre- «Laholms kommun» på Wikipedia på svensk, innhenta 5. mars 2010.
- «Laholm» hjå Store norske leksikon, innhenta 5. mars 2010 (lisensiert under CC-BY-SA).
Referansar
endre- ↑ «I blått fält tre bjälkvis över varandra ställda laxar av silver med röd beväring, därest sådan skall komma till användning».