Lavik kyrkje

Lavik kyrkje er ei åttekanta kyrkje frå 1865 i bygda Lavik på nordsida av Sognefjorden i Høyanger kommune i Vestland.

Lavik kyrkje
kyrkje
Land	Noreg
Fylke	Vestland
Kommune	Høyanger
Kyrkjesamfunn	Den norske kyrkja
Bispedøme	Bjørgvin
Prosti	Sunnfjord
Sokn	Lavik
Fellesråd	Høyanger
Type	Oktagon kyrkje
Arkitekt	Christian Heinrich Grosch
Teknikk	Tømra
Material	Tre
Innvigd	10. desember 1865
Lavik kyrkje 61.1052°N 5.5077°E / 61.1052; 5.5077
Wikimedia Commons: Lavik kirke

Plasseringa til Lavik kyrkje

Kyrkja vart ført opp etter teikningar av arkitekt Christian Heinrich Grosch og er i tre.

Dagens kyrkje er den tredje kjende på staden. Den fyrste var ei stavkyrkje som truleg var frå 1100-talet. Stavkyrkja vart avløyst av ei ny kyrkje i 1594, denne var vorten for lita på 1860-talet og vart riven for å gje plass til dagens kyrkje.

Tidlegare kom mange i båt til kyrkja. Det er kort veg frå fjøresteinane til kyrkjedøra.

Kyrkja er soknekyrkje i Lavik sokn i Sunnfjord prosti. Før 1807 låg kyrkja under Eivindvik prestegjeld og fram til prestegjelda vart fasa ut frå 2004 låg ho i Lavik prestegjeld.

Sjå òg

• Kyrkjebygga til Den norske kyrkja i Sogn og Fjordane

Kjelder

• Margrethe Henden Aaraas og Sigurd Vengen: «Lavik kyrkje» på nettstaden til Fylkesarkivet i Sogn og Fjordane
• «Lavik kyrkje» på NRK Sogn og Fjordane Fylkesleksikon
• Sigurd Muri: Norske kyrkjer. Det Norske Samlaget. Oslo 1971

Bakgrunnsstoff

• Om Lavik kyrkje i Kyrkjebyggdatabasen
• Om Lavik kyrkjelyd på nettstaden til Den norske kyrkja
• «Kirkebøker, Sogn og Fjordane» på nettstaden til Arkivverket
• Kart frå 1979 som viser kyrkjestader og soknegrenser, på nettstaden til Universitetet i Bergen
• Lavik kyrkje i kulturminnesok.no, nettstaden til Riksantikvaren
• «Lavik kyrkje». Kirkesøk. Den norske kyrkja.