Opna hovudmenyen

Lennart Carleson

svensk matematikar

Lennart Axel Edvard Carleson (fødd 18. mars 1928 i Stockholm) er ein svensk professor emeritus i matematikk ved KTH i Stockholm, Uppsala universitet og UCLA. Han høyrer til slekta Carleson og er ein av dei fremste matematikarane i Sverige.

Lennart Carleson
Carleson cropped.jpg
Fødd18. mars 1928
Stockholm
NasjonalitetSverige
Områdematematikk
Yrkematematikar, universitetslærar
InstitusjonarKungliga Tekniska högskolan
Uppsala universitet
Massachusetts Institute of Technology
Alma materUppsala universitet
DoktorgradsrettleiarArne Beurling
MedlemDet franske vitskapsakademiet
Det Norske Videnskaps-Akademi
American Mathematical Society
National Academy of Sciences
Det sovjetiske vitskapsakademiet
Kungliga Vetenskapsakademien
Det ungarske vitskapsakademiet
Det russiske vitskapsakademiet
American Academy of Arts and Sciences
Finska Vetenskaps-Societeten
Academia Europaea
Royal Society

Carleson voks opp i Degerfors og disputerte i 1950 med Arne Beurling som rettleier. Carleson har blant anna arbeidd innan fourieranalyse og dynamiske system, og oppnådde verdsry med beviset sitt for konvergens nesten overalt for Fourierrekkjer for L2-funksjonar.

På midten av 1960-talet bidrog Carleson til verkeleggjeringa av Mittag-Lefflers forskningsinstitutt i Djursholm. Danninga av instituttet hadde vorte utsett på grunn av finanskrisa på 1920-talet. Dei neste ti åra innbaud Carleson dei mest framståande matematikarane innan sine forskingsområde for at desse skulle kunne jobbe i ein harmonisk atmosfære og bidra til utdanning av skandinaviske matematikarar. Sidan den tida har instituttet levt vidare og er eit av dei fremste i verda.

Carleson er enno ein aktiv forskar og rettleiar så seint som i 1998 doktorandar. Carleson er (2006) busett i Brottby i Vallentuna kommun, nordaust for Stockholm.

Carleson er medlem av Kungliga Vetenskapsakademien. Han vart utnemnt til æresdoktor ved Kungliga Tekniska högskolan i 1989.[1]

Carleson vart tildelt Steeleprisen i 1984, Wolfprisen i 1992 og Sylvestermedaljen i 2003. Han vart 23. mars 2006 tildelt som første svenske den internasjonalen Abelprisen på 6 millionar norske kroner.

KjelderEndra

  1. KTH: Æresdoktorar 1944-2008, lest 13. april 2009