Livius Smitt
Livius Smitt (8. oktober 1840–4. mars 1890) var ein norsk embetsmann og stortingsmann, fødd i Vinje i Telemark. Han vart medlem av Høgre då dette partiet vart danna i 1884.
| Livius Smitt | |
| Statsborgarskap | Noreg |
| Fødd | 8. oktober 1840 Vinje kommune |
| Død | |
| Yrke | politikar, advokat |
| Språk | norsk |
| Politisk parti | Høgre |
Smitt var presteson. Jacob Sverdrup Smitt var bror hans. Han vart student i 1858 og cand. jur. fem år seinare. Deretter var han i nokre år tilsett på justiskontoret til Høgsteretten. 1866-67 var han fullmektig hos sorenskrivaren på Voss. Frå 1867 var han overrettssakførar i Florø. Til sist byfut i Brevik frå 1881. I 1874 grunnla han avisa Nordre Bergenhus Amtstidende, frå 1879 også redaktør.
Smitt var 1868-69 formann i matrikkelkommisjonen for Sunn- og Nordfjord. Perioden 1874-82 var han ordførar i Florø.
Smitt var stortingsrepresentant for Nordre Bergenhus amt frå 1880 og sidan 1883 for Brevik. Åra 1880-88 var han medlem av vegkomiteen, år 1889 formann i same. 1889-sesjonen var han elles medlem av Lagtinget og valkomiteen. Same året, 1889, vart han boden plass i Emil Stang si fyrste regjering, men takka nei.
Han døydde i Brevik 1890.
Kjelder endre
- Lindstøl, Tallak:Stortinget og Statsraadet 1814-1914. Kristiania, 1914
- Biografisk informasjon om Livius Smitt NSD Norsk senter for forskningsdatas politikararkiv