Lyr

Lyr (Pollachius pollachius) er ein fiskeart i torskefamilien.

Lyr
Lyr
Status
Status i verda: Livskraftig
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Orden:	Torskefisk Gadiformes
Familie:	Torskefamilien Gadidae
Underfamilie:	Gadinae
Slekt:	†Pollachius
Art:	Lyr P. pollachius
Vitskapleg namn
Pollachius pollachius Linnaeus, 1758

Teikning av lyr.

Skildring

Lyr i akvarium.

Lyren kan verte inntil 130 cm lang og 10 kg. Han manglar skjeggtråd og er underbitt. Sidelinja er mørk og tydeleg. Ho bogar markant nedover under første ryggfinnen, og dette kan nyttast til å skilje lyren frå seien, som har ei rett og lys sidelinje.

Utbreiing og habitat

Lyren finst nordaust i Atlanterhavet, frå nord i Marokko til Island og til Finnmark i Noreg. Han er mest talrik rundt Dei britiske øyane. Lyren er òg registrert sør i Austersjøen. I Noreg finst han langs heile kysten, men er mest vanleg langs vestlege og sørlege delar.

Lyren finst frå overflata og ned mot 200 meters djupne og er bentopelagisk. Han likar seg best over hard botn — gjerne i nærleiken av land.

Levesett

Lyren lever hovudsakleg av andre fiskar. Han kan òg ta krabbar og reker. Lyren samlast i stimar i gytetida. Gytinga skjer om våren eller tidleg på sommaren.

Fiska lyr.

Litteratur

• Moen, Frank Emil: Dyreliv i havet - Nordeuropeisk marin fauna ISBN 82-90823-54-1
• Pethon, Per: Aschehougs store fiskebok ISBN 82-03-23247-7
• Torsvik, Mortensen, Nedreaas (red.) Fiskeribiologi ISBN 82-529-1720-8

Bakgrunnsstoff

• Fishbase.org om Pollachius pollachius - Besøkt 1. januar 2008.
• Uwphoto.no Arkivert 2006-08-24 ved Wayback Machine. - Om forskjellane og likheitene mellom Sei og Lyr.
• Lyr - Pollachius pollachius Arkivert 2009-02-17 ved Wayback Machine.

Wikispecies

Wikispecies har taksonomisk informasjon om Pollachius pollachius