Martin Ulstein
Martin O. Ulstein[1] (13. desember 1893–6. juni 1948)[2] var ein norsk industrigrunnleggjar, verkseigar og ordførar frå Ulstein.
| Martin Ulstein | |
| Statsborgarskap | Noreg |
| Fødd | 13. desember 1893 Ulsteinvik |
| Død | |
| Yrke | næringslivsleiar |
Han starta i 1917 selskapet Ulstein Mekaniske Verksted, som i ettertid har utvikla seg til noverande Ulstein Group. Forretningsideen var å bygge om lokale fiskebåtar, som på denne tida vart motoriserte. Han fekk lån hos Ulstein Sparebank, med faren som kausjonist, kjøpte 800 kvadratmeter grunn frå onkelen sin, og starta verksemda saman med svogeren Andreas Flø.
Martin Ulstein engasjerte seg også i lokalpolitikken, og var ordførar i Ulstein kommune for Venstre. Han døydde på veg heim frå ei samling i Fylkestinget.
Etter den tidlege bortgangen til Martin Ulstein, vart selskapet i lang tid drive vidare av ektefellen hans, Inga Ulstein. Dei seks borna deira, Dagny, Inger, Magnulf, Kolbein, Idar, og Ragnhild - særleg Kolbein og Idar - bygde selskapet vidare til eit stort industrikonsern.
Kjelder
endre- [1] Arkivert 2014-02-25 ved Wayback Machine. Omtale av Martin Ulstein i Harald Grytten: Kreativ entusiasme i 90 år (engelsk versjon)