Maskehornramnar
Maskehornramnar, Bucorvidae, er ein biologisk familie av ordenen Bucerotiformes, med ei einaste biologisk slekt Bucorvus og to nolevande artar. Familien er endemisk for Afrika sør for Sahara. Blåmaskehornramn finst i eit belte frå Senegal aust til Etiopia, medan raudmaskehornramn lever på dei sørlege og austlege delane av kontinentet.
| Hornramnar | |
 Raudmaskehornramn Foto: Duncan Wright
| |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Overorden: | Coraciimorphae |
| Orden: | Horn- og hærfuglar Bucerotiformes |
| Familie: | Bucorvidae |
| Slekt: | Hornramnar Bucorvus Lesson, 1830 |
Maskehornramnar er store fuglar, dei vaksne rundt ein meter høge. I motsetnad til hornfuglar er begge artar av maskehornramnar bakkelevande, og dei lever av insekt, slangar, andre fuglar, amfibium og jamvel skilpadder.[1] Dei er blant fuglane med lengst levealder.[2]
Ein forhistorisk maskehornramn, Bucorvus brailloni, er skildra frå fossile bein i Marokko, noko som tyder på at slekta var mykje meir utbreidd eller distribuert annleis før kvartæristidene.[3]
Artslista
endre
Bucorvus i rekkjefølgje etter Clementslista versjon 6.8 frå september 2012[4] med norske namn etter Norske navn på verdens fugler.[5]
- Blåmaskehornramn, Bucorvus abyssinicus, Abyssinian Ground-Hornbill
- Raudmaskehornramn, Bucorvus leadbeateri, Southern Ground-Hornbill
Kjelder
endre- Denne artikkelen bygger på «Bucorvidae» frå Wikipedia på engelsk, den 16. desember 2013.
Referansar
endre- ↑ Kinnaird Margaret F. and O‘Brien< Timothy G.; The Ecology and Conservation of Asian Hornbills: Farmers of the Forest; pp. 20-23. ISBN 0226437124
- ↑ Wasser, D. E. and Sherman, P.W.; “Avian longevities and their interpretation under evolutionary theories of senescence” in Journal of Zoology 2 November 2009
- ↑ Kemp, A. C. 1995 The Hornbills. Oxford University Press, Oxford.
- ↑ Clements, J.F.; T.S. Schulenberg; M.J. Iliff; B.L. Sullivan; C.L. Wood; D. Roberson (august 2013), The eBird/Clements checklist of birds of the world: Version 6.8 (CSV), Cornell Lab of Ornithology, henta 3. november 2013
- ↑ Syvertsen, P. O., Ree, V., Hansen, O. B., Syvertsen, Ø., Bergan, M., Kvam, H., Viker, M. & Axelsen, T. 2008. Virksomheten til Norsk navnekomité for fugl (NNKF) 1990-2008. Norske navn på verdens fugler. Norsk Ornitologisk Forening sin nettstad (publisert 22.5.2008)
Bakgrunnsstoff
endre- (no) Hornramnar hos Artsdatabanken
- (en) Hornramnar i Encyclopedia of Life
- (en) Hornramnar i Global Biodiversity Information Facility
- (en) Hornramnar hos Fossilworks
- (en) Hornramnar hos ITIS
- (en) Hornramnar hos NCBI
- (en) Kategori:Bucorvus – bilete, video eller lyd på Wikimedia Commons
- Bucorvus – detaljert informasjon på Wikispecies
