Menachem Begin

Menachem Begin (16. august 1913–9. mars 1992) var ein israelsk politikar fødd i Brest-Litovsk i Russland (noverande Kviterussland).

Menachem Wolfovich Begin
Menachem Begin i 1978
Statsminister i Israel
Periode	21. juni 1977–10. oktober 1983
Parti	Likud, Gahal, Freedom
Fødd	1913 i Brest-Litovsk i Russland (noverande Kviterussland)
Fødestad	Brest i Belarus
Død	1992 i Tel Aviv i Israel
Dødsstad	Tel Aviv
Mor	Hassia Biegun
Far	Zeev Dov
Ektefelle	Aliza Begin
Barn	Benny Begin
Etterfølgjar	Yitzhak Shamir

Nobels fredspris
1978

Begin var leiar av Irgun, ein militant jødisk organisasjon. Organisasjonen Irgun stod mellom anna bak bombeåtaket på det britiske hovudkvarteret i King David-hotellet i Jerusalem i 1946, der 91 menneske vart drepne. Mellom ofra var det både britar, arabarar og jødar.

Han var Israels 6. statsminister og sat frå 1977 til 1983, og fekk Nobels fredspris i 1978.

Begin var leiar for dei politiske partia Herut frå 1948, Gahal frå 1965 og Likud frå 1973 til 1982. Han blei med i regjering for første gong i 1967, under Levi Eshkol som minister utan portefølje. Han trekte seg frå regjeringa til Golda Meir i 1970. I 1977 vann Likud valet til Knesset, og Begin blei statsminister.

Begin fekk Nobels fredspris for 1978 saman med Anwar Sadat etter fredsavtala mellom Israel og Egypt. Fredsavtala vart inngått på Camp David i USA. Ettermælet hans har vorte sverta på grunn av ordrane hans om å invadere Libanon i 1982. Invasjonen var ei medverkande årsak til dei berykta massakrane i Sabra og Shatila i Beirut same året.

Begin døydde i Tel Aviv og blei etter eige ønske gravlagd på Oljeberget.

Kjelder

• Denne artikkelen bygger på «Menachem Begin» frå Wikipedia på bokmål, den 27. oktober 2009.

• Delar av denne artikkelen bygger på «Menachem Begin» frå Wikipedia på engelsk, den 20. januar 2010.

Fotnotar

Denne politikkartikkelen som har med historie og Israel å gjere, er ei spire. Du kan hjelpe Nynorsk Wikipedia gjennom å utvide han.