Move av The Mamas
| «Move» Song av The Mamas | ||
| Land | Sverige | |
| Språk | Engelsk | |
| Utgjeve | 22. februar 2020 | |
| Sjanger | Soul, pop, gospel | |
| Lengd | 02:48 | |
| Selskap | Universal | |
| Låtskrivar(ar) | Melanie Wehbe, Patrik Jean, Herman Gardarfve | |
|---|---|---|
«Move» er ein gospel-popsong frå 2020 med det svensk-amerikanske gruppa The Mamas. Songen vart fyrste gong framført 1. februar 2020 under den fyrste delfinalen i den svenske Melodifestivalen. Songen kvalifiserte seg til finalen i Stockholm 7. mars 2020, og vann til slutt heile tevlinga. Med sigeren skulle «Move» ha vore det svenske bidraget i Eurovision Song Contest 2020 i Rotterdam i Nederland, men 18. mars 2020 avlyste EBU Eurovision Song Contest på grunn av koronaviruspandemien i Europa vinteren 2020.[1]
Om songen
endre«Move» er skriven av Melanie Wehbe, Patrik Jean og Herman Gardarfve, og vart skriven til gospel-soul-gruppa The Mamas. Gruppa kora på «Too Late for Love» med John Lundvik, som vann Melodifestivalen 2019 og til slutt vart nummer fem i Eurovision Song Contest same år.[2]
I november 2019 offentleggjorde Sveriges Television at «Move» var blant dei 28 låtane som var plukka ut til Melodifestivalen 2020. Songen var det fyrste bidraget på scena i den fyrste delfinalen i Linköping laurdag 1. februar 2020.[3] Der vann han delfinalen og kvalifiserte seg til finalen i Friends Arena i Stockholm laurdag 7. mars.[4]
I finalen var «Move» det tredje bidraget ut på scena, og då juryavrøystinga var over, låg han likt med Dotter og «Bulletproof». I telefonavrøystinga fekk «Move» marginalt flest røyster og vann til slutt Melodifestivalen med berre eitt poeng over «Bulletproof». Med sigeren vart «Move» det svenske bidraget til Eurovision Song Contest.[5]
«Move» skulle ha delteke i den fyrste semifinalen i Rotterdam Ahoy i Nederland tysdag 10. mai 2020. På grunn av koronavirusutbrotet i Europa vinteren 2020 såg EBU seg nøydt til å avlyse Eurovision Song Contest for å hindra spreiing av koronaviruset SARS-CoV-2 og den medfølgjande sjukdomen covid-19.[6] Songen fekk dermed aldri delteke i Eurovision Song Contest.
Listeplasseringar
endre| Liste (2020) | Høgaste
plassering |
|---|---|
| Sverige (Sverigetopplistan)[7] | 1 |
Kjelder
endre- ↑ Granger, Anthony (20. mars 2020). «Belgium: Hooverphonic Will Compete At Eurovision 2021» (på engelsk). Henta 20. mars 2020.
- ↑ «Skräll: The Mamas vinner Melodifestivalen 2020» (på svensk). 7. mars 2020. Henta 8. mars 2020.
- ↑ «Melodifestivalen 2020 – guiden till finalen, artister, låtar, pausunderhållning» (på svensk). Henta 8. mars 2020.
- ↑ «Robin and The Mamas qualify as Melodifestivalen 2020 kicks off in Linköping» (på engelsk). 1. februar 2020. Arkivert frå originalen 4. februar 2020. Henta 8. mars 2020.
- ↑ «Sweden: The Mamas win Melodifestivalen 2020 with "Move"» (på engelsk). 7. mars 2020. Henta 8. mars 2020.
- ↑ Svendsen, Maiken (18. mars 2020). «Eurovision Song Contest avlyst» (på norsk bokmål). Henta 20. mars 2020.
- ↑ «Veckolista Singlar, vecka 11». Sverigetopplistan. Henta 20. mars 2020.
- Denne artikkelen bygger på «Move (The Mamas-sang)» frå Wikipedia på bokmål, den 10. desember 2021.