NRK Østlandssendingen
NRK Østlandssendingen var eit av dei største distriktskontora til Norsk rikskringkasting, og produserte dagleg fleire program frå Oslo og Akershus for distribusjon over radio, fjernsyn og internett. Det vart skipa i 1959, og slått saman med NRK Østfold og NRK Buskerud til NRK Oslo og Viken i 2020.
Histotrie endre
NRK Østlandssendingen vart skipa i 1959.[1] Heilt fram til 1996 konsentrerte redaksjonen seg berre om radiosendingar. Ikkje før 28. februar 1996 gikk den fyrste lokale nyhendesendinga i fjernsynet på lufta.
Til å byrje med hadde redaksjonen lokale i kringkastingshuset på Marienlyst i Oslo. Frå 1972 fikk sendinga sin eigen distriktssjef, og dekka då dei åtte fylka Oslo, Akershus, Hedmark, Oppland, Telemark, Østfold, Vestfold og Buskerud. Frå 1988 dekka ho berre Oslo og Akershus.[1]
I 1981 vart NRK Østlandssendingen flytt frå lokala på Marienlyst til lokale i Staffeldtsgate i nærleiken av Slottsparken i Oslo, og frå november 1993 fekk sendinga nye lokale i ein av dei gamle fabrikkbygningane til det nedlagde Myrens verksted på breidda av Akerselva på Sagene i Oslo.[1] Herfrå gjekk den fyrste lokale nyhendesendinga i fjernsynet på lufta 28. februar 1996.[1]
NRK Østlandssendingen vart ein fleirkulturell arbeidsplass i 1997.[2] Hausten dette året byrja produksjonen av det fyrste riksprogrammet for fjernsynet, Migrapolis, som var eit fleirkulturelt magasin send på NRK 2.[2] Eit fjernsynsprogram på framandspråk vart dessutan sendt kvar veke under namnet Migranytt i åra frå 1999 til juni 2003.[2]
Sjefar for NRK Østlandssendingen endre
Desse har vore sjef for NRK Østlandssendingen:
- Arthur Klæbo 1959–1972
- Magne Finslo 1972–1984
- Tor Fuglevik 1984–1986
- Kalle Lisberg 1986
- Stig Fossum 1986 –1988
- Rune Andersen 1988–1990
- Arne Wam 1990–1997
- Anne Aasheim 1997–2000
- Per Arne Kalbakk 2001–2007
- Otto Haug 2007–2016
- Anne Karin Pessl-Kleiven 2017[3]–2020
Kjelder endre
- ↑ 1,0 1,1 1,2 1,3 Jenssen, Grethe Kielland (27. oktober 2009), «Østlandssendingen 50 år», NRK (på norsk bokmål), henta 9. november 2023
- ↑ 2,0 2,1 2,2 NRK (25. juli 2008), «Historien om Østlandssendingen», NRK (på norsk bokmål), henta 9. november 2023
- ↑ Kommunikasjonsavdelingen (27. april 2017), «Anne Karin Pessl-Kleiven redaktør i NRK Østlandssendingen», NRK (på norsk bokmål), henta 9. november 2023