Namnet India
India er namnet på eit land. Det blei tidlegare brukt om større geografiske område (Austindia, Bakindia og Vestindia), og er i nyare tid blitt brukt som kvinnenamn.
Ordsoge
endre
«India», frå gresk Ἰνδία, er avleidd av Indus. På sanskrit blir denne elva kalla Sindhu, eit namn som blei til Hinduš på avestansk og Indus på gresk. Hinduš har gjeve nemningane «hindu», «hinduisme», hindustani og det lokale namnet «Hindustan». Europearar har kjend landet som «India» sidan mellomalderen.
På 1800-talet blei namnet «India» teke i bruk som kvinnenamn i den engelsktalande verda, i mange høve på grunn av ei viss tilknyting til landet.
«India» er også spansk for «indianar», og er blitt brukt om kvinner som er eller ser indianske ut, som «India Catalina» (ca. 1495–ca. 1529) eller den puertoricanske songaren «La India» (f. 1969).
Namneberarar
endre- India Knight (f. 1965), britisk journalist og kommentator, med indiske band gjennom mora, Sabiha Rumani Malik.
- India Hicks (f. 1967), britisk interiørarikekt, dotterdotter av siste visekongen av India, lord Mountbatten.
- India.Arie (f. 1975), USA-amerikansk artist
- India de Beaufort (f. 1987), britisk artist og skodespelar
Litterær bruk
endreIndia Wilkes er namnet på ein person i Gone with the Wind (1936) av Margaret Mitchell. Ho er ein motstandar til hovudpersonen Scarlett O'Hara.
India Ophuls er hovudpersonen i Shalimar the Clown (2005) av Salman Rushdie, som tek for seg mykje av moderne indisk historie.
Kjelder
endre- Patrick Hanks; Kate Hardcastle, and Flavia Hodges, red. (2006), «India», A Dictionary of First Names, Oxford University Press
- John Everett-Heath, red. (2005), «India», Concise Dictionary of World Place-Names, Oxford University Press