Nic Waal
Nic Waal, fødd Caroline Schweigaard Nicolaysen (1. januar 1905–28. mai 1960) var ein norsk lege og føregangsperson innan barnepsykologi og barnepsykiatri.
| Nic Waal | |
 | |
| Statsborgarskap | Noreg |
| Fødd | 1905 Christiania |
| Død | |
| Yrke | psykiater, skribent, barnelege |
| Språk | norsk |
| Medlem av | Mot Dag |
| Ektefelle | Sigurd Hoel |
| Nic Waal på Commons | |
Biografi
endreHo tok artium i 1923 og vart cand.med. i 1930. Etter turnusteneste tok ho spesialistutdanning i psykoanalyse i Berlin. Både før og etter dette gjekk ho sjølv i psykoanalyse, både terapeutisk og didaktisk, blant anna hos Harald Schjelderup og Wilhelm Reich. Ho vart godkjent psykoanalytikar i 1933, spesialist i psykiatri 1951 og i barnepsykiatri 1953.
Den offentleg verksemda hennar byrja allereie i studietida, med foredrag om familieplanlegging og seksuell frigjering. Som privatpraktiserande lege i Oslo 1932 til 1939 vart ho gjenstand for ei Chat Noir-vise: «Fru Nic Hoel har psykoanalysert meg, har ‘a psykoanalysert deg?».
Ho hadde ulike stillingar innan psykiatri ved sjukehus i Oslo 1939-1954. I 1951 opna ho i Oslo Dr. Waals institutt for barn med tilpasningsvanskeligheter, Noregs første tilbod innan barnepsykiatri. Instituttet vart utvida i 1953 og kalla Nic. Waals Institutt. Ho leia instituttet til hø døydde i 1960.
Posten utgav i 2005 eit frimerke i høve 100-årsdagen for fødselsdagen til Waals.Norwegian stamps 2005 Arkivert 2016-03-11 ved Wayback Machine.
Ekteskap og born
endreNic Waal var gift med forfattaren Sigurd Hoel 1927-1936. Ho var òg gift med Wessel Waal frå 1937 og hadde to born med han, Berit og Helge. I 1951 gifta ho seg med lege Axel Helju, eit ekteskap som varte til 1954. I oppveksten og studietida pleidde ho omgang med Mot Dag-kretsen til Trygve Braatøy, Trygve Bull, Karl Evang og Erling Falk.
Motstandsarbeid under andre verdskrigen
endreNic Waal deltok under krigen aktivt i motstandsarbeidet, blant anna ved å føre jødiske born til Sverige. Ho vart arrestert og var flyktning i Sverige våren 1945. For dette vart ho heidra med æresbevisinga Righteous Among the Nations.
Meir kuriøst kan nemnast at ho i 1929 omsette kriminalromanen Mordaren i den kinesiske eske til norsk.
Bibliografi
endre- Filmen og barna. 1938 (som Nic Hoel)
- Disiplin og karakterutvikling. 1939
- Family life and housing conditions. Stockholm, 1947
- Mennesker og boliger. 1948. (Medforf. Bind 2 av Oslo byes vel's boligundersøkelse)
- Vi og smårollingene våre i det første året. 1948 (omsett til svensk)
- Personlighetsdiagnostikk med henblikk på strukturbeskrivelse, utkast til begrepssystem. 1956 (Medforf. Stensiltrykk. 2. utg. 1973)
- Nic Waal's metode for somatisk psykodiagnostikk, beskrivelse av undersøkelsesmetoden med utkast til begrepssystem. 1957 (Medforf. Stensiltrykk)
- Er det foreldrenes skyld?. 1962 (omsett til svensk og dansk)
- Utvalgte faglige skrifter. 1969
Litteratur
endre- Lemjan, Ida. «Nic Waal og hennes metode». I: Impuls, tdsskrift for psykologi, nr 4, 1990
- Waal, Helge. Nic Waal, det urolige hjerte. Pax, 1991
Kjelder
endre- Denne artikkelen bygger på «Nic Waal» frå Wikipedia på bokmål, den 2. november 2010.
Bakgrunnsstoff
endre- Tidsskrift for den norske legeforening Jon Lange: Nic Waal - norsk barne- og ungdomspsykiatris mor