Novodevitsjijgravstaden

Novodevitsjijgravstaden (russisk Новоде́вичье кла́дбище, Novodevitsje kladbisjtsje) er ein gravstad i Moskva i Russland. Gravstaden ligg ved sidan av verdsarvstaden nonneklosteret Novodevitsjij frå 1500-talet. Han er den tredje mest besøkte turistattraksjonen i byen.

Novodevitsjijgravstaden
Opna	1898
Novodevitsjijgravstaden 55°43′29″ N 37°33′15″ E

Anton Tsjekhov si grav. Utforma av Fjodor Sjekhtel

Kyrkjegarden vart innvigd i 1898, då det var mangel på gravplassar i klosteret. Ein av dei første kjende som vart gravlagd på Novodevitsjij-kyrkjegarden var Anton Tsjekhov.

I dag har kyrkjegarden graver til russiske forfattarar, musikarar og poetar, så vel som kjende skodespelarar, politikarar og vitskapsmenn. Meir enn 27 000 er gravlagde i Novodevitsjijgravstaden.

Gravlunden minner om ein park, med små kapell og store skulpturerte monument. Han er delt inn i ein austleg og vestleg seksjon.

Kart over gravstaden er tilgjengeleg i kontoret på kyrkjegarden.

Bilethoggarar

Det finst verk av mellom andre desse bilethoggarane på Novodevitsjijgravstaden: Sergej Konenkov, Vera Mukhina, Ernst Neizvestnij, Ivan Sjadr og Jevgenij Vutsjetitsj.

Berømte gravlagde

• Nadjesjda Allilujeva (1901–1932), kona til Josef Stalin.
• Pavel Beljajev (1925–1970), kosmonaut
• Sergej Bondartsjuk (1920–1994), regissør og skodespelar
• Aleksej Brusilov (1854–1926), general
• Mikhail Bulgakov (1881–1940), forfattar
• Nikolaj Bulganin (1895–1975), statsmann
• Anton Tsjekhov (1860–1904), forfattar
• Fjodor Sjaljapin (1873–1938), operasongar
• Ilja Ehrenburg (1891–1967), forfattar
• Sergej Eisenstein (1898–1948), regissør
• Nikolaj Gogol (1809–1852), forfattar
• Sergej Iljusjin (1894–1977), flydesignar
• Boris Jeltsin (1931–2007), statsleiar
• Nikita Khrusjtsjov (1894–1971), statsmann
• Pjotr Kropotkin (1842–1921), anarkist
• Lev Landau (1908–1968), Nobelpristakar i fysikk
• Isaak Levitan (1860–1900), målar
• Vjatsjeslav Molotov (1890–1986), politikar
• Sergej Obraztsov (1901-1992), dokketeatermann
• David Oistrakh (1908–1974), fiolinist
• Sergej Prokofjev (1891–1953), komponist
• Lidija Ruslanova (1900-1973), folkesongarinne
• Valentin Serov (1865–1911), målar
• Dmitrij Sjostakovitsj (1906–1975), komponist
• Vasilij Sjuksjin (1929–1974), forfattar og skodespelar
• Konstantin Stanislavskij, (1863–1938), regissør og teoretikar i det moderne teateret
• Andrej Tupolev (1888–1972), flykonstruktør

Bakgrunnsstoff

• Fotografi
• Fleire fotografi

• Kjende og pittoreske minnesmerke (24), fotografert i juni 2005
• Novodevichy Cemetery (på russisk) – artikkel frå sovjetisk encyclopedi]