Nyland
| Nylands landskap | |||||
|---|---|---|---|---|---|
| Uudenmaan maakunta | |||||
| |||||
| Len | Södra Finlands län | ||||
| Historiske len | Raseborgs län Nylands län | ||||
| Administrativt senter | Helsingfors | ||||
| Leiar | Ossi Savolainen | ||||
| Flatemål - Til saman |
Nr. 6 366 km² | ||||
| Folketal - Til saman - Folketettleik |
Plassering 1 329 004 innb/km² | ||||
| Landskapsdyr | Piggsvin | ||||
| Landskapsfugl | Svarttrost | ||||
| Landskapsfisk | Gjørs | ||||
| Landskapsplante | Kvitveis | ||||
| Landskapsstein | Hornblende | ||||
Nyland (finsk Uusimaa) er eit landskap i Finland som høyrer til Södra Finlands län og ligg ved kysten langs Finskebukta. Det historiske Nyland frå tida då Finland var ein del av Sverige omfatta eit større område som i dag er delt mellom Nyland, Östra Nyland og Kymmenedalen (Kymenlaakso).
Nyland, særleg kysten, har tradisjonelt vore svenskspråkleg område, men etter at Helsingfors vart hovudstad i Finland har finsk vorte majoritetsspråk i Helsingfors og byane rundt.
Flatemål er 6 366 kvadratkilometer og folketalet 1 329 004. Nyland er det landskapet i Finland med høgast folketal, og det flytter om lag 100 000 - 200 000 menneske dit frå andre delar av Finland i året. Omtrent kvar fjerde finne bur i Nyland.
Bruttonasjonalprodukt i Nyland var i 2003 til saman 43 747 millionar euro. Næringslivet er dominert av tenesteytande næringar. Industrien er konsentrert langs Ring III, ein av ringvegane rundt Helsingfors, langs jarnvegen nordover og langs kysten vestover er områda med mest industri. Nyland har også mykje jordbruk.
Kommunar endre
Sidan 1. januar 2013 har Nyland omfatta 26 kommuner, halvparten av dei har bystatus. Bynamna er skrivne med halvfeite typar. 15 kommunar er offisielt tospråklege. Resten er einspråkleg finske.