Oddmund Hoel
- Denne artikkelen handlar om Hoel frå Venstre. For språkforskaren Hoel frå Senterpartiet, sjå Oddmund Løkensgard Hoel.
Oddmund Hoel (18. januar 1910–26. november 1983), fødd og død i Oppdal, var ein norsk jurist og politikar for Venstre.
| Oddmund Hoel | |||
| Fødd | 18. januar 1910 | ||
|---|---|---|---|
| Død | 26. november 1983 (73 år) | ||
| Statsborgar av | Noreg | ||
| Parti | Venstre | ||
| Yrke | politikar, jurist | ||
| Medlem | Europarådets parlamentarikerforsamling | ||
| Alle verv |
| ||
Biografi
endreHoel var son av lensmannen i Oppdal. Han tok middelskole, underoffiserskole i 1930 og vart student i 1935. I 1941 vart han cand.jur.. Han var lensmannsbetjent i Oppdal 1930–1941. Frå mai 1945 vart han først konstituert, sidan fast tilsett som lensmann i Oppdal, ei stilling han hadde til han vart pensjonist i 1975. Han hadde òg ein militær karriere, i 1931 vart han sersjant, i 1933 fenrik, i 1945 løytnant. Under krigen var han advokat i Oppdal (1941 til 1945), dette tok han opp att som pensjonist og praktiserte til han døydde. Frå 1934 til 1977 var han forretningsførar ved A/S Oppdal elektrisitetsverk.
I 1954 vart han vald inn på Stortinget som representant for Venstre. Han sat i tre periodar og var medlem av Forsvarskomiteen heile tida. Han var òg delegat til NATOs parlamentariske forsamling alle periodane på Stortinget. Han var òg varamedlem til Den utvida utanriks- og konstitusjonskomitéen,
Verv
endre- 1945–1959: Medlem av Oppdal kommunestyre
- 1945–1954: Formann i bygningsrådet i Oppdal
- Medlem av ei rekkje kommunale utval
- 1951–1952: Nestformann i Sør-Trøndelag venstrelag;
- Formann 1956–1957
- 1952–1955: Nestformann Noregs lensmannslag;
- Formann 1955–1962
- 1956–1965: Medlem Reisetrafikkforeningen for Trondheim og Trøndelag
- 1955–1975: Medlem Styret for A/L Oppdal skiheis
Kjelder
endre- Denne artikkelen bygger på «Oddmund Hoel» frå Wikipedia på bokmål, den 4. januar 2010.