Oddmund Løkensgard Hoel
- Denne artikkelen handlar om Hoel frå Senterpartiet. For Hoel frå Venstre, sjå Oddmund Hoel.
Oddmund Løkensgard Hoel (fødd 8. november 1968) er ein norsk språkforskar og forfattar, og dessutan politikar for Senterpartiet. Han er forskings- og høgare utdanningsminister i regjeringa Støre frå 23. januar 2024.[1][2]
| Oddmund Løkensgard Hoel | |||
 | |||
| Fødd | 8. november 1968 (56 år) | ||
|---|---|---|---|
| Statsborgar av | Noreg | ||
| Parti | Senterpartiet | ||
| Yrke | lingvist, politikar, redaktør | ||
| Institusjonar | Høgskulen på Vestlandet | ||
| Utdanna ved | Det humanistiske fakultet | ||
| Mor | Torlaug Løkensgard Hoel | ||
| Alle verv |
| ||
Hoel var leiar i Noregs Mållag i perioden mellom 1999 og 2002.
Liv og virke
endreUtdanning
endreHoel er utdanna cand.philol. med nordisk hovudfag og skreiv hovudoppgåva Nasjonalisme i norsk målstrid 1848–1865 (1996). Hoel har vore forlagsredaktør i Det Norske Samlaget 1996–2000, og hadde ansvar for lærebøker for høgare utdanning (humaniora), ordbøker og språkteknologi.
Hoel var doktorgradsstipendiat i historie ved Høgskulen i Volda 2003–2007, og tok doktorgraden (ph.d) i historie i 2009, med doktoravhandlinga Målreising og modernisering i Noreg 1885–1940. Han har sidan 2007 vore tilsett som høgskulelektor/førsteamanuensis ved Avdeling for samfunnsfag, Høgskulen i Sogn og Fjordane, frå 2017 Høgskulen på Vestlandet.
Politisk karriere
endreHoel var kommunestyrerepresentant i Luster kommune 2019–2023. I oktober 2021 vart han tilsett i Kunnskapsdepartementet som statssekretær for Ola Borten Moe, og seinare Sandra Borch. Den 23. januar 2024 vart han sjølv utnemnd til forskings- og høgare utdanningsminister i regjeringa Støre, etter at Borch gjekk av som statsråd.[1][3]
Bibliografi
endreBøker
endre- 1996 – Nasjonalisme i norsk målstrid 1848-1865 (Oslo: Norges forskningsråd). ISBN 8212006956 I fulltekst ved nb.no [Serie: KULTs skriftserie nr. 51]
- 2003 – Studentar i målstrid : Studentmållaget i Oslo 1900-2000 (Oslo: Samlaget). ISBN 82-521-5698-3 I fulltekst ved nb.no [Forfattarar: Olaf Almenningen, Oddmund Løkensgard Hoel, Geir Martin Pilskog, Håvard Tangen]
- 2006 – Då Noregs mållag vart skipa : referat frå Målmannsstemna 4.-5. februar 1906 (Oslo: Noregs mållag). ISBN 8273390535
- 2010 – Jostedal kyrkje : fakta, segn og soge gjennom 350 år (Leikanger: Skald). ISBN 978-82-7959-153-5 [Av: Kåre Øvregard, Asbjørg Ormberg & Oddmund Løkensgard Hoel]
- 2011 – Norsk målreising. II . Mål og modernisering 1868-1940 (Oslo: Samlaget). ISBN 978-82-521-7446-5 [Bygger på forfattaren si avhandling (ph.d.) - Norges teknisk-naturvitenskapelige universitet, Trondheim, 2009 med tittel: Målreising og modernisering i Noreg 1885-1940]
- 2014 – Med påhalden penn? : 1814 sett frå Nordvestlandet og Telemark (Oslo: Novus). ISBN 978-82-7099-761-9 [Red.: Jens Johan Hyvik, Oddmund L. Hoel og Harald Krøvel]
I bøker - eit utval
endre- 1998 – Jakten på det norske : perspektiver på utviklingen av en norsk nasjonal identitet på 1800-tallet (Oslo: Ad notam Gyldendal). ISBN 82-417-0952-8 I fulltekst ved nb.no [Red.: Øystein Sørensen. Av innhaldet: Ivar Aasen som opposisjonell nasjonalist / Oddmund Løkensgard Hoel, s. 303-320]
- 2005 – Lokale røyster i 1905 : unionsoppløysinga i aviser på Nord-Vestlandet (Volda: Høgskulen i Volda). ISBN 82-7661-228-8 I fulltekst ved nb.no [Red.: Kari A. Hasle, Jens Johan Hyvik, Harald E. Tafjord. Av innhaldet: 1905 i Sogn / Oddmund Løkensgard Hoel]
- 2013 – 'Der var ruskut å leggja utpå' : ti år med mastergraden i nynorsk skriftkultur (Oslo: Novus). ISBN 978-82-7099-716-9 [Red.: Jens Johan Hyvik og Stephen Walton. Av innhaldet: Eit maskulint prosjekt? : kjønnsperspektiv på målreisinga 1885-1940 / Oddmund Løkensgard Hoel, s. 83-100]
- 2017 – Fjordfylket på nye vegar, 1875-1945 (Bergen: Fagbokforlaget). ISBN 9788245019162 [Soga om Sogn og Fjordane, band tre]
Kjelder
endre- Fylkesleksikon Sogn og Fjordane Arkivert 2020-06-17 ved Wayback Machine.
- Nettstaden til Oddmund Løkensgard Hoel
- Referansar
- ↑ 1,0 1,1 Espen Alnes; Ola Mjaaland; Kristian Skårdalsmo & Julianne Flølo. «Oddmund Løkensgard Hoel utnemnd til ny statsråd». NRK. Henta 23. januar 2024.
- ↑ «Endringar i regjeringa». Regjeringen. Henta 23. januar 2024.
- ↑ «Forsknings- og høyere utdanningsminister Oddmund Hoel (Sp)». Kunnskapsdepartementet. Henta 23. januar 2024.
Bakgrunnsstoff
endre- Oddmund Løkensgard Hoel i Høgskulen på Vestlandet.
- Oddmund Løkensgard Hoel sin eigen nettstad.
- Hoel i tidsskrift - eit utval ved Lokalhistoriske artiklar Sogn og Fjordane.