Oddmund Jensen

Oddmund Ingvald Jensen (26. september 1928–6. mars 2011) i Sørfold var ein norsk langrennsløpar og langrennstrenar. Han budde i Lillehammer sidan fyrste halvdelen av 1950-åra til han døydde.

Oddmund Jensen
Statsborgarskap	Noreg
Fødd	26. september 1928 Sørfold kommune
Død	6. mars 2011 (82 år) Lillehammer kommune
Yrke	langrennsløpar

Jensen vart noregsmeister då han vann 50 km i 1959. For denne prestasjonen fekk han kongepokalen. På 3x10 km stafett i 1958 og 1959 var han på det sigrande laget, og han vann Birkebeinerrennet fem gonger. Han vann også tre sigrar i Monolittrennet (1958, 1959 og 1964). I tevlingar med sterke internasjonale konkurrentar nådde han sjeldan opp. Andreplassen på femmila i Holmenkollen i 1960 må tevle med fjerdeplassen på 15 km i Lahti i 1964 om å vere hans beste renn. I den siste tevlinga stilte mange fleire toppløparar opp, enn det gjorde i Holmenkollen 1960.

Jensen vann si fyrste NM-medalje (bronse) på 30 km på Voss i 1955. Ni år seinare vann han si siste; same valør på same distanse og same stad. Han hadde eitt individuelt gull og fire bronsemedaljar frå NM.

Besteplasseringar i internasjonale meisterskap og renn

• 1955: Nr 7 på 50 km i Holmenkollen
• 1956: Nr 4 på 50 km i Holmenkollen. Nr 17 på 30 km og nr 14 på 50 km i OL i Cortina d'Ampezzo
• 1957: Nr 13 på 15 km i Holmenkollen
• 1958: Nr 4 på 50 km i Holmenkollen
• 1959: Nr 12 på 30 km i Falun
• 1960: Nr 2 på 50 km i Holmenkollen. Nr 10 på 30 km og nr 11 på 50 km i OL i Squaw Valley
• 1961: Nr 10 på 15 km i Holmenkollen
• 1962: Nr 15 på 50 km i VM i Zakopane. Nr 8 på 50 km i Holmenkollen
• 1964: Nr 4 på 15 km i Lahti

Medaljar og besteplasseringar i noregsmeisterskap

• Ski-NM 1952: Nr 11 på 50 km, Eidsvoll
• Ski-NM 1955: Bronse på 30 km, Voss
• Ski-NM 1956: Nr 4 på 30 km, Drammen
• Ski-NM 1957: Nr 4 både på 30 km (Mo i Rana) og 50 km (Rena)
• Ski-NM 1958: Bronsemedalje både på 15 km og 30 km, Oslo
• Ski-NM 1959: Gullmedalje på 50 km, Porsgrunn
• Ski-NM 1960: Nr 6 både på 30 km (Nedre Eiker) og 50 km (Fåberg)
• Ski-NM 1961: Nr 5 på 30 km, Røros
• Ski-NM 1962: Nr 4 på 50 km, Molde
• Ski-NM 1963: Nr 8 på 30 km, Rælingen
• Ski-NM 1964: Bronsemedalje på 30 km, Voss

Trenar

Jensen var rikstrenar for herrelandslaget i langrenn i perioden 1964-78. Ingen andre har leia eit norsk langrennslandslag i tilsvarande lang tid. Han gjekk etter kvart berre under tilnamnet Riksen.

Litteratur

• Om Oddmund Jensen i langrenn.com:[1]

Kjelder

• Sportsboken, aktuelle årgangar
• NRK, 06.03.11: Tidligere rikstrener Jensen er død