Oksøy fyrstasjon

Oksøy fyrstasjon er eit fyr som ligg på ei øy på vestsida av innseglinga til Kristiansandsfjorden i Kristiansand kommune i Agder. Fyrstasjonen er eit kystfyr som vart opprettea i 1832. Saman med Odderøya fyrstasjon og Grønningen fyrstasjon dannar fyret ein samanhengande struktur av navigasjonshjelpemiddel for innseglinga til kysten og Kristiansand hamn.

Oksøy fyrstasjon

Fylke	Agder
Kommune	Kristiansand
Funksjon	Kystfyr
Oppretta	1832
Koordinatar	58°04.1666′N 8°3.4146′E
Fyrtårn
Høgd	36,0
Form	Kvitt tårn med to raude band og med bifyr.
Byggjemateriale	Betong
Fyrlys
Lyskarakter	Lysglimt vart 45. sek.
Lyshøgd	47 moh.
Lysvidde	19,0 nm
Status
Eigar	Staten
Automatisert	2004
Avfolka	2004
Vernestatus	Freda etter lov om kulturminne
Oksøy fyrstasjon 58.07222222°N 8.05305556°E / 58.07222222; 8.05305556

Det første anlegget

Plasseringa til Oksøy fyrstasjon

Det første fyret på Oksøy var 23 meter høgt, bygd i tegl. Det vart òg bygd eit våningshus og eit uthus for fyrforvaltaren. Oksøy fyr vart tent for første gong den 25. november 1832.

Oksøy var det første fyret i landet med linseapparat og Noreg var det tredje landet i verda som innførte systemet.

Dagens anlegg

Det opphavlege fyrtårnet vart erstatta av eit nytt, 36 meter høgt støypejernstårn i 1900. Det er eit av dei høgaste i landet. Òg dette fyret har linseapparat, ei 1. ordens katadioptrisk linse, dvs. at ho både reflekterer og forsterkar lyset. Nominell rekkevidde er 19 nautiske mil.

Framleis finst tufter etter tidlegare fyrtårn, losstasjon, semaforstasjon og eit tysk brakkeanlegg frå den andre verdskrigen på fyrområdet.

Oksøy fyr er eigd av Staten. Fyret vart automatisert og avfolka i 2004. Det er freda etter lov om kulturminne og som naturreservat etter lov om naturvern.

Losstasjonen

Losstasjonen på Oksøy vart oppretta omkring 1950. Eit styrehus frå fiskeskøyta «Agder 2» frå Flekkerøy vart bygd om til utkikkshytte for losane.

I 1979 vart losstasjonen flytta til Kristiansand. I 1989 vart det gjort vedtak om at loshytta skulle restaurerast og bevarast for ettertida. Truleg er ho eit av dei minste kulturminna i Noreg.

Klima

Det står ein vêrstasjon frå Meteorologisk Institutt på Oksøy med synopnummer 1448. Han ligg 9 meter over havet og har vore i drift sidan november 1869.

	Jan	Feb	Mar	Apr	Mai	Jun	Jul	Aug	Sep	Okt	Nov	Des	År
Temperatur (°C)	0,3	-0,3	1,6	4,5	9,3	13,3	15,2	15,2	12,5	9,3	5,0	2,1	7,3
Nedbør (mm)	106	71	81	54	69	60	74	102	119	141	148	106	1131

Sjå òg

• Fyr i Noreg
• Fyrstasjonar i drift i Noreg

Kjelder

• Delar av denne artikkelen bygger på «Oksøy fyr» frå Wikipedia på bokmål, den 2. oktober 2008.

Andre kjelder

• «Norsk fyrliste 2008» (PDF). Kystverket. 
• «Oksøy fyrstasjon». Norsk Fyrhistorisk Forening. 

Bakgrunnsstoff

• Oksøy fyrstasjon i kulturminnesok.no, nettstaden til Riksantikvaren