Olaus Fjørtoft
Olaus Johannes Amundsen Fjørtoft (fødd 19. januar 1847 på Flemsøya i Haram, død 21. mai 1878 i Kristiania) var ein norsk journalist og opposisjonshugen politisk agitator. Fjørtoft vert rekna som ein av dei fyrste sosialistane i Noreg.
| Olaus Fjørtoft | |
.jpg) | |
| Statsborgarskap | Noreg |
| Fødd | 19. januar 1847 Haram kommune |
| Død |
21. mai 1878 (31 år) |
| Yrke | redaktør, politikar |
| Olaus Fjørtoft på Commons | |
Livssoge Endra
Fjørtoft var latinelev ved Molde Lærd- og Realskole 1861–66 (i same klasse som Kristofer Kristofersen), og studerte på Heltbergs studentfabrikk i Christiania i 1869. Seinare studerte han matematikk og astronomi. I studietida kom han i kontakt med Aasmund Olavsson Vinje, Johan Ernst Sars, Hagbard Emanuel Berner, Carl Berner og Bjørnstjerne Bjørnson. Fjørtoft gav i åra 1871–73 ut bladet Fram – eit vikoblad for målmenne og bondevenne.
Målsyn Endra
Fjørtoft ynskte å gjera skriftspråket mest mogleg talemålsnært skriftspråk. Språksynet gjorde han til den mest markante talsmannen for ortofoni i nynorskrettskrivinga. Fjørtoft var lite oppteken av å markere historiske former i skriftmålet, og han meinte dessutan at bymåla måtte trekkjast inn i nynorsken.
Figur i litteraturen Endra
Arne Garborg har skildra Fjørtoft i romanen Bondestudentar, som «student Fram». Han opptrer òg som Student Fredriksen i Gunnar Heibergs skodespel "Tante Ulrikke" (1883) og som figuren Olav Toft i romanen Paa Forpost av Kristofer Kristofersen.
Bakgrunnsstoff Endra
- Aasentunet om Olaus Fjørtoft, med tekstar
- Fjørtoft, Olaus Johannes Arkivert 2006-01-05 ved Wayback Machine. Artikkel om Fjøroft i Pax leksikon.
