Olav Vesaas
Olav Vesaas (fødd 21. desember 1935) er ein norsk forfattar og journalist fødd i Vinje i Telemark. Han er cand. philol., og skreiv hovudoppgåve om dei fire romanane faren Tarjei skreiv om Klas Dyregodt. Han er mellom anna kjend som programleiar for det tidlegare NRK-radioprogrammet Språkrøret og for mange program om litteratur. Han var forlagssjef i Det Norske Samlaget 1978-80. I fleire år var Olav Vesaas medlem av ulike litteraturutval i Norsk kulturråd og sat i styret for Nordens hus på Island og for Norsk-finsk kulturfond. Vidare var han medlem av Bokklubbens lyrikkutval og har redigert fleire diktantologiar.
| Olav Vesaas | |
 | |
| Statsborgarskap | Noreg |
| Fødd | 21. desember 1935 (88 år) Vinje kommune |
| Yrke | journalist, faglitterær forfattar, biograf, radioprogramleiar, forleggjar |
| Far | Tarjei Vesaas |
| Mor | Halldis Moren Vesaas |
Vesaas er son av forfattarane Halldis Moren Vesaas og Tarjei Vesaas og eldre bror av barnebok-redaktøren Guri Vesaas.
Han vart tildelt Storegutprisen i 2018.
Verkliste
endre- 1985: Tarjei Vesaas om seg sjølv, som redaktør
- 1992: Telemark - dikt og draum
- 1994: Rolf Jacobsen - en stifinner i hverdagen
- 1995: Løynde land - ei bok om Tarjei Vesaas, biografi
- 2001: Aasmund Olavsen Vinje - ein tankens hermann, biografi
- 2007: Å vera i livet: ei bok om Halldis Moren Vesaas, biografi
Olav Vesaas har òg redigert fleire bøker med tekstar av foreldra.
Bakgrunnsstoff
endre- Olav Vesaas Arkivert 2006-06-13 ved Wayback Machine. i Cappelen Forlag
- Olav Vesaas i NRK Forfatter