Oliver Heaviside

Oliver Heaviside (fødd 18. mai 1850 i Camden Town i London, død 3. februar 1925 i Torquay i Devon i England) var ein autodidakt britisk fysikar, matematikar og elektroingeniør som utvikla teknikkar for bruk av laplacetransformasjon ved løysing av differensiallikningar og dermed bruk av komplekse tal ved utrekning av elektronisk kretsar, omformulerte maxwell-likningane på vektorform og var med å grunnlegge vektoranalysen.

Oliver Heaviside
Fødd	18. mai 1850 London, Camden Town
Død	3. februar 1925 Torquay, Mount Stuart Hospital
Nasjonalitet	Det sameinte kongeriket Storbritannia og Irland
Område	elektromagnetisme, vektoralgebra
Yrke	matematikar, fysikar, ingeniør, telegrafist
Medlem	Royal Society Maxwellians American Academy of Arts and Sciences

Han var tilsett i Great Northern Telegraph Co. i Newcastle, fram til 1874, då han slutta på grunn av stadig dårlegare høyrsle. Han levde resten av livet sitt i Devonshire, oppteke med teoretiske studium av elektromagnetisme. Han grunnla teorien for langdistanse-telefonering, gav viktige bidrag til forståing av den elektromagnetiske teorien til Maxwell.

Han var dessutan den første til å nemne og grunngjeve eksistensen av eit leiande sjikt i den øvre atmosfæren, Heaviside-laget, no oftast kalla ionosfæren.

Oppdagingar

Heaviside formulerte om maxwell-likningane slik at dei fekk den vektorformen som vert nytta i dag. Han laga Heavisidefunksjonen, som han nytta til å modellere straumen gjennom ein elektronisk krets.

Omgrep innan elektromagnetisme

Heaviside innførte namna på fleire omgrep innan magnetismen:

• Konduktans
• Permeabilitet
• Induktans
• Impedans
• Admittans
• Reluktans
• Permittans, som no vert kalla suseptans

Prisar (utval)

• 1922 – Faradaymedaljen

Sjå òg

• Heavisides ekspansjonsregel

Kjelder

• Denne artikkelen bygger på «Oliver Heaviside» frå Wikipedia på bokmål, den 13. juni 2013.

• Oliver Heaviside. (27.02.2013) I Store norske leksikon. Henta frå: http://snl.no/Oliver_heaviside