Osøyro

	Osøyro
	Osøyri
	tettstad
	Osøyro Foto: Jan-Tore Egge
Land	Noreg
Fylke	Vestland
Kommune	Bjørnafjorden
Areal	9,39 km²
Folketal	14 621 (2023)
Folketettleik	1 557 / km²
Postnummer	5200 OS
	; Osøyro; 60°11′05″N 5°28′11″E / 60.184722°N 5.469722°E
	Wikimedia Commons: Osøyro, Os

Osøyro eller Osøyri er ein tettstad og administrasjonssenteret i Bjørnafjorden kommune i Vestland. Tettstaden har 6 252 innbyggjarar per 1. januar 2023 og ligg på søraustsida av Bergenshalvøya ved Fusafjorden, med sentrum ved munningen av Oselvo. Han strekker seg langs fjorden sørover til Haljem og femner frå 2013 også den tidlegare sjølvstendige tettstaden Hagavik, som låg omkring Skeisosen i vest.

Osøyro har verkstad- og trevareindustri, fylkeskommunal vidaregåande skule og fjordhotell. I Hagavik ligg Kysthospitalet i Hagevik (KiH), eit spesialsjukehus for ortopedisk kirurgi.

Europaveg 39 og fylkesveg 552 går gjennom Osøyro. Frå 1894 til 1935 gjekk det eit 26 kilometer langt, privat og smalspora jarnbanesamband (750 mm) frå Osøyro til Nesttun stasjon på Vossebanen (Nesttun-Osbanen), i korrespondanse med lokaltog til Bergen og Voss.

Namnet Osøyro kjem av namnet på garden Os, og av dét at garden Osøyro ligg på ei slette ved utlaupet (osen) av Oselvo.

Bilete frå Osøyro

Os rådhus
Frå hamna i Osøyro
Os kyrkje
Os stasjon på nedlagde Nesttun-Osbanen

Kjelder

«Osøyro» i Store norske leksikon, snl.no.