Peter Birch-Reichenwald
Peter Birch-Reichenwald (29. november 1843–8. juli 1898) var ein norsk politikar som representerte Høgre. Christian Birch-Reichenwald var far hans.
| Peter Birch-Reichenwald | |
 | |
| Statsborgarskap | Noreg |
| Fødd | 29. november 1843 |
| Død | |
| Yrke | politikar, jurist |
| Språk | norsk |
| Politisk parti | Høgre |
| Far | Christian Birch-Reichenwald |
| Peter Birch-Reichenwald på Commons | |
Birch-Reichenwald vart student 1860 frå katedralskulen i heimbyen Christiania, tok juridisk embetseksamen i 1865. Dei neste åra var han fyrst fullmektig hos sorenskrivar, sidan hos advokat Bernhard Dunker. År 1870 vart han overrettssakførar og høgsterettsadvokat. Frå 1881 var han ekspedisjonssjef i Justisdepartementet si avdeling for fengselsstellet. Han var 1875-82 medlem av ein kongeleg kommisjon om statsallmenningane i Gudbrandsdalen. Kemner i Kristiania frå 1892.
Han var medlem av bystyret i hovudstaden frå 1880, varaordførar 1881-84, 1887-88 og ordførar 1888 til 3.9.1889. Seinare, 1895 til 1898, var han borgarmeister i Kristiania.
Birch-Reichenwald var frå 1889 til -91 statsråd i Arbeidsdepartementet i Emil Stangs fyrste regjeringm og han var 1894-95 statsråd og sjef i Indredepartementet i Emil Stangs andre regjering. Perioden 1892-94 var han stortingsrepresentant for valkrinsen Kristiania, Hønefoss og Kongsvinger. Han var då medlem av jarnbanekomiteen, og den i 1893 særskild valde kontraktørkomiteen.
Han vart utnemnd til riddar av St. Olavs Orden 1887 og forfremja til kommandør av 1. klasse i 1895.
Kjelder
endre- Lindstøl, Tallak: Stortinget og Statsraadet 1814-1914. Kristiania, 1914
Bakgrunnsstoff
endre- Biografisk informasjon om Peter Birch-Reichenwald NSD Norsk senter for forskningsdatas politikararkiv