Picos de Europa
Picos de Europa (tyder «Europatoppane») er ei fjellkjede, om lag 20 km innanfor nordkysten av Spania i dei autonme regionane Asturias, Cantabria og Castilla y León. Fjella er ein del av Dei kantabriske fjella. Den mest aksepterte teorien for opphavet til namnet er at dette var dei første fjella i Europa ein såg når ein kom med skip frå Amerika.
| Picos de Europa | |||
| Fjellkjede | |||
 Toppane i Sentralmassivet oppfor landsbyen Sotres i Cabrales
| |||
| Kalla opp etter: Europa | |||
| Land |  Spania
| ||
|---|---|---|---|
| Region | Den iberiske halvøya | ||
| Del av | Dei kantabriske fjella | ||
| Høgaste punkt | Torre de Cerredo | ||
| • høgd | 2 648 moh. | ||
| - koordinatar | 43°11′51″N 04°51′06″W / 43.19750°N 4.85167°W | ||
 Picos de Europa 43°11′59″N 4°48′02″W / 43.199672222222°N 4.8004972222222°W | |||
| Wikimedia Commons: Picos de Europa | |||
Geografi
endreFjella består av tre store massiv, det sentrale, austlege og det vestlege (òg kalla Picos de Cornión). Dei sentrale og vestlege massiva er fråskilde av ei 1,5 km djup kløft grave ut av Cares, (Garganta del Cares), med landsbyen Caín i ein enden. Kjeldene til Cares er houvdsakleg vatn som kjem ut av grotter i området.
Nesten heile fjellkjeda består av kalkstein, og isbreerosjon har skapt eit imponerande karstområde. Det høgaste fjellet i kjeda er Torre de Cerredo med ei høgd på 2468 meter over havet. Mange andre fjelltoppar går over 2000 meter. Området er populært hos fjellklatrarar og fotturistar. Det ligg fleire fjellhytter i fjella.
Natur
endreAv dyr som lever i regionen finn ein brunbjørn (Ursus arctos pyrenaicus), gaupe (Lynx pardinus) og ulv (Canis lupus signatus). Det er òg ein del gemse i fjell. Av fuglar finn ein alpekråke og musvåk.
Det meste av regionen er i dag verna som Picos de Europa nasjonalpark i Cantabria, Asturias og León. Delen av parken i Asturias var den første nasjonalparken i Spania.
Grotter
endreI Picos de Europa ligg mange av dei djupaste grottene i Spania, som Torca del Cerro (−1589 m), Sima de la Cornisa (−1507 m), Torca los Rebecos (−1255 m) og Pozo del Madejuno (−1252 m). Det pågår framleis jakt etter nye grotter og utforsking av desse.
Gastronomi
endreDet finst grupper av gjetarar som dreg opp til Picos frå dalane om sommaren med sau, geit, ku og stundom gris. Området er kjent for dei pikant blåe ostane som Queso de Cabrales, som tradisjonelt modnar i grottene.
Bakgrunnsstoff
endre- Informasjon om Picos de Europa Arkivert 2013-05-31 ved Wayback Machine.
- Asturias og Picos de Europa Arkivert 2021-02-25 ved Wayback Machine.
- Nasjonalparken
- Picos de Europa y Amieva
- Picos de Europa på Llanes
- Picos de Europa Asturias Arkivert 2008-08-10 ved Wayback Machine.
- Bilete av Picos de Europa Arkivert 2012-05-11 ved Wayback Machine.
Kjelder
endre- Denne artikkelen bygger på «Picos de Europa» frå Wikipedia på engelsk, den 14. mai 2009.