Opna hovudmenyen

Pierre Curie

fransk kjemikar og fysikar

Pierre Curie (15. mai 185919. april 1906) var ein fransk vitskapsmann, gift med Marie Curie som han delte eine halvdelen av Nobelprisen i fysikk med i 1903, for å ha oppdaga grunnstoffa radium og polonium. Han gjorde banebrytande arbeid innan krystallografi, magnetisme, piezoelektrisitet og radioaktivitet.

Pierre Curie
Pierrecurie.jpg
Fødd15. mai 1859
Paris
Død19. april 1906
Paris
NasjonalitetFrankrike
Områdefysikk
Yrkefysikar, kjemikar, universitetslærar, kjernefysiker
InstitusjonarUniversitetet i Paris
Alma materFaculté des sciences de Paris
Sorbonne
Hjemmeundervisning
DoktorgradsrettleiarGabriel Lippmann
EktefelleMarie Curie
BarnIrène Joliot-Curie, Ève Curie
MedlemDet franske vitskapsakademiet

LivssogeEndra

Curie var fødd i Paris. Han fekk undervising heime av far sin, og utvikla tidleg ei interesse for matematikk og geometri. 18 år gammal blei han laboratorieassistent ved Sorbonne. Der studerte han mellom anna oppbygginga av krystallar. Saman med broren Jacques oppdaga han piezoelektrisiteten.

I 1894 møtte han Marie Sklodowska. Dei gifta seg eitt år seinare og byrja eit fruktbart forskingssamarbeid som mellom anna førte til oppdaginga av to nye radioaktive grunnstoff, polonium og radium. Ved hjelp av magnetiske felt på strålinga frå radium påviste Pierre partiklar som var elektrisk positive, nøytrale og negative. Ernest Rutherford gav dei seinare nemningane alfa-, beta- og gammastrålar.

Pierre Curie blei lektor ved Sorbonne i 1900 og professor i 1904. I 1906 blei han påkøyrd i rue Dauphine i Paris og døydde momentant.

EttermæleEndra

I 1910 vedtok radiologar å kalla opp radioaktivitetseininga curie etter Pierre Curie. I 1944 blei det nylaga grunnstoffet curium kalla opp etter ekteparet Curie. I 1995 blei oska av Pierre og Marie lagt til kvile i Panthéon i Paris, der dei mest heidra franskmennene ligg.

KjelderEndra

BakgrunnsstoffEndra

  Wikimedia Commons har multimedia som gjeld: Pierre Curie