Svalbardvalmue

Svalbardvalmue, varangervalmue eller polarvalmue (Papaver dahlianum) er ein plante i valmuefamilien. Svalbardrådet har utropt han til fylkesblomster for Svalbard.

Svalbardvalmue
Svalbardvalmue
Status
Status i Noreg: Sterkt truga
Systematikk
Rike:	Planteriket Plantae
Rekkje:	Karplantar Tracheophytes
Underrekkje:	Frøplantar Spermatophytes
Orden:	Ranunculales
Familie:	Valmuefamilien Papaveraceae
Underfamilie:	Papaveroideae
Slekt:	Valmueslekta Papaver
Art:	Svalbardvalmue P. dahlianum
Vitskapleg namn
Papaver dahlianum Nordh., 1931

Det latinske artsnamnet dahlianum har planten fått etter den norske botanikaren Ove Dahl, som arbeidde i mange år i Finnmark.

Utsjånad

Blomsteren er oftast kvit, men det er òg vanleg med gule blomstrar

Svalbardvalmuen er om lag 15 cm høg. Han har lodne blad som sit i ein rosett. Blomsterskaftet har mindre hår. Blomsteren er gul eller kvit, 2-4 cm i diameter, med fire kronblad. Frøkapselen er klubbeforma, breiast på toppen.

Økologi

Svalbardvalmue veks på sand og grus, gjerne på rasmark og ved elvekantar. Han toler dårleg konkurranse frå tett vegetasjon. Han er vanleg på heile Svalbard, elles veks han på Varangerhalvøya og nordaust på Grønland. Han er sterkt truga på fastlandet.

Kjelder

• Johannes Lid Norsk og svensk flora Det Norske Samlaget 1974 ISBN 82-521-0297-2
• Olav Gjærevoll og Olaf I. Rønning 1980: Flowers f Svalbard ISBN 82-00-05398-9
• Botanisk museum Arkivert 2008-05-28 ved Wayback Machine.

Bakgrunnsstoff

• (no) svalbardvalmue hos Artsdatabanken
• (en) svalbardvalmue i Global Biodiversity Information Facility
• (sv) svalbardvalmue hos Dyntaxa
• (en) svalbardvalmue hos Panarctic Flora
• (en) svalbardvalmue hos The International Plant Names Index
• (en) svalbardvalmue hos Tropicos
• (en) Kategori:Papaver dahlianum – bilete, video eller lyd på Wikimedia Commons
• (en) Papaver dahlianum – galleri av bilete, video eller lyd på Wikimedia Commons
• Oreomecon dahliana – detaljert informasjon på Wikispecies