Raudbeinhonningkrypar
| Raudbeinhonningkrypar | |
 Raudbeinhonningkrypar Foto: DickDaniels
| |
| Utbreiing og status | |
Status i verda:  Livskraftig Utbreiinga av Raudbeinhonningkrypar | |
| Systematikk | |
| Underrekkje: | Virveldyr Vertebrata |
| Klasse: | Fuglar Aves |
| Underklasse: | Neognathae |
| Overorden: | Neoaves |
| Orden: | Sporvefuglar Passeriformes |
| Familie: | Tanagarar Thraupidae |
| Slekt: | Honningkryparar Cyanerpes |
| Art: | Raudbeinhonningkrypar C. cyaneus |
| Vitskapleg namn | |
| Cyanerpes cyaneus | |
Raudbeinhonningkrypar (Cyanerpes cyaneus) er ein fugl i tanagarfamilien. Han lever i nordlege del av neotropisk område frå det sørlege Mexico, Trinidad og Tobago, sørover til Peru, Bolivia og sentrale Brasil inkludert Rio de Janeiro. I tillegg lever han på Cuba der han truleg er innført.
Skildring endre
Raudbeinhonningkryparar er i gjennomsnitt 12,2 centimeter lange, veg 14 gram og har eit middels langt svart, litt nedbøygd nebb. Praktdrakta til hannar er fiolettblå med svarte venger, hale og rygg, og lysraude bein. Krona er turkis, og undersida av vengen som berre er synleg under flyging, er sitrongul. Etter hekkesesongen, myter han til ei mørkare fjørdrakt, eklipsdrakt, hovudsakleg grøn med svarte venger.
Hoer og ungfuglar er hovudsakleg grøne, med bleikare, svakt stripa underside. Beina er raudbrune hos hoer, og brune hos unge fuglar.
Lætet til raudbeinhonningkryparar er ein tynn, høgtona 'tsip'.
Raudbeinhonningkryparar lever ofte i små grupper, ein finn dei i skogkanten, i open skog, og i kakao og sitrusplantasjar der dei lever av frukt , leddyr og nektar.[1] Han immiterer ofte lætet til øgleugle, Glaucidium brasilianum.
Hoa byggjer eit lite koppforma reir i eit tre, og rugar kullet av to brunflekka, kvite egg i 12-13 dagar. Ungane treng ytterlegare 14 dagar til dei er flygedyktige.
Kjelder endre
- Denne artikkelen bygger på «Red-legged Honeycreeper» frå Wikipedia på engelsk, den 21. februar 2016.
- Hilty, S. (2016). Red-legged Honeycreeper (Cyanerpes cyaneus) In: del Hoyo, J., Elliott, A., Sargatal, J., Christie, D.A. & de Juana, E. (eds.) (2016). Handbook of the Birds of the World Alive. Lynx Edicions, Barcelona. Henta den 21. februar 2016
- BirdLife International (2016) Species factsheet: Cyanerpes cyaneus. Henta frå http://www.birdlife.org den 21. februar 2016
- Referansar
- ↑ Hilty 2016
Bakgrunnsstoff endre
Wikimedia Commons har multimedia som gjeld: Raudbeinhonningkrypar