Richard Harvey
Richard Harvey (fødd 25. september 1953) er ein britisk musikar og låtskrivar. Han var opphavleg medlem av progrockgruppa Gryphon, men er i dag best kjend for filmmusikken sin. Han er òg kjend for gitarkonserten Concerto Antico, som han komponerte for gitaristen John Williams og London Symphony Orchestra.
| Richard Harvey | |||
 Richard Harvey attends the premiere of King Naresuan. | |||
| Fødd | 25. september 1953 (71 år) | ||
|---|---|---|---|
| Fødestad | London | ||
| Opphav | Storbritannia | ||
| Aktiv | 1970-åra til i dag | ||
| Instrument | Forskjellige | ||
| Tilknytte artistar | Gryphon | ||
| Verka som | Multi-instrumentalist og låtskrivar | ||
Biografi
endreRichard Harvey var i tidleg alder musikalsk dyktig, og byrja å spele fløyte då han var fire år gammal. Då han gjekk ut frå Royal College of Music i London i 1972, spelte han blokkfløyte, krumhorn, og andre instrument frå mellomalderen og renessansen, i tillegg til mandolin og forskjellige klaverinstrument. Dette gjorde han til kandidat som musikar i London Philharmonic Orchestra. I staden valde han å arbeide med Musica Reservata, eit ensemble som spesialiserte seg på å spele tidlegmusikk med autentiske instrument. Slik kom han i kontakt med Brian Gulland, og i lag danna dei etter kvart Gryphon, eit uvanleg band som starta som ein folkekvartett som spelte periodeinstrument og som raskt utvikla seg til eit progressivt rockeband med seks bandmedlemmar.
Gryphon varte til slutten av 1970-åra, då musikken deira hadde blitt meir mainstream. Frå slutten av 1970-åra byrja Harvey å lage musikk for fjernsyn og film, og skreiv for så varierte produksjonar som The Martian Chronicles (1980), Defense of the Realm (1985), og Half Moon Street (1986). Han spelte òg på album som Lionheart av Kate Bush, Gordon Giltrap sitt Fear of the Dark, Gerry Rafferty sitt Night Owl, og forskjellige symfoniske rockeplater.
Karriere høgdepunkt
endre- 1974 Gryphon - Red Queen to Gryphon Three
- 1977 Stasjonstemaet for Hospital Radio Moorfields (på lufta 1974-2006)
- 1983 Skreiv musikk for Gerry Anderson sitt Terrahawks
- 1984 Dirigent for London Symphony Orchestra på Classic Rock
- 1987 Skreiv musikk for Children's ITV-serien The Gemini Factor
- 1988 Medlem av John Williams and Friends
- 1989 Skreiv oratoriet Plague and the Moonflower (til libretto av Ralph Steadman framført i Exeter, Salisbury, Canterbury og St Paul's Cathedral, og mottok Best BBC TV Art's Film i 1990)
- 1991 British Academy-prisen for musikken til GBH (med Elvis Costello)[1]
- 1991 Komponerte A Time of Miracles for W11 Opera
- 1995 Komponerte Concerto Antico for John Williams og London Symphony Orchestra
- 1996 Spelte alle treblåsarsoloar på Løvenes konge
- 1999 Komponerte musikken for Jim Henson Company sitt Animal Farm
- 2000 Komponerte musikken til Hallmark-prosjektet Arabian Nights
- 2001 Komponerte musikken for den thailanske historiske eposet The Legend of Suriyothai
- 2002 Komponerte musikken for filmen Luther
- 2004 Subhanahongsa-prisen for The Macabre Case of Prom Piram
- 2005 Komponerte den Ivor Novello-nominerte musikken til dramafilmen Colditz
- 2005 Komponerte musikken for filmen Three aka Survival Island
- 2006 Komponerte musikken for Death of a President, som vann kritikarprisen ved Toronto Film Festival (September 2006)
- 2007 Komponerte musikken for King Naresuan, oppfølgjaren til Suriyothai
- 2009 Komponerte blokkfløytekonserten (Concerto Incantanto) for Michala Petri og City Chamber Orchestra of Hong Kong
Kjelder
endre- Denne artikkelen bygger på «Richard Harvey» frå Wikipedia på engelsk, den 11. september 2014.
- Wikipedia på engelsk oppgav desse kjeldene:
- ↑ «BAFTA Awards 1992». IMDb.com. Henta 25. juli 2014.