Robert A. Robinson
Robert A. Robinson (15. november 1927–4. januar 1996) var ein amerikansk fotograf som arbeidde i Noreg på 1950- og 1960-talet.
| Robert A. Robinson | |
| Statsborgarskap | Noreg |
| Fødd | 15. november 1927 |
| Død | |
| Yrke | fotograf |
Biografi
endreRobinson var fødd i Esparto i Woodland i California. Frå 1945 til 1948 tenestegjorde han i den amerikanske marinen i den asiatiske delen av Stillehavet. Skipet var tidvis stasjonert i Shanghai.
Frå 1948 til 1951 arbeidde Robinson i mørkerommet for ein kommersiell fotograf i heimbyen. Han var fotojournalist i lokalavisa The Woodland Democrat og sjefsfotograf hos Eureka Newspapers Inc.
1951–1952 studerte Robert A. Robinson fotografi ved Art Center College i Los Angeles. I 1952 reiste han på sommarferie til Noreg med ein norsk medstudent. Opphaldet skulle vare i to månader, men han vart i Noreg i 13 år. Dei første åra reiste han mykje rundt, mellom anna på Vestlandet og nordover med Hurtigruta. Han fekk etter kvart base i Bergen kor han budde fram til om lag 1960. Han fotograferte ein del til reklame og litt til Bergens Tidende.
I 1953 tok Robinson kontakt med Eide forlag med ønskje om å gje ut ei bok. Boks Captured by the Norwegians kom ut på forlaget i 1958.
I 1954 heldt han utstilling i biblioteket i Oslo Bymuseum og i Permanenten i Bergen. Same året vann han prisar for fem bilete frå Noreg i det amerikanske bladet Popular Photography. I 1956 vann han prisar i same bladet for to bilete frå det norske fisket, og i 1957 vann han også pris for eit bilete av komponisten Harald Sæverud.
I 1955 drog Robinson til Berlin for å ta bilete av austtyske Sylvia Becker som skulle på «ferie» til Noreg for å bli frisk. Biletreportasjen om henne blei ein av fleire menneskeleg engasjerte fotoseriar i svart-kvitt som kom ut i Aktuell mellom 1962 og 1965. I 1963 laga Robinson eit tv-program om Sylvia for NRK, som sidan vart vist både på BBC i England og PBS i USA.
Robinson skipa den fotografiske elitegruppa «Gruppen» i Bergen i 1957, i lag med Åge Fermann og Bertel Christensen. I 1961 skipa han gruppa Scan Features i lag med Åge Fermann og Arild Kristo (Kristoffersen) i Oslo.
Robinsondanna biletbyrået Manité i 1962 lag med fotografane Dan Young og Arild Kristo, inspirert av det kjende internasjonale biletbyrået Magnum. I 1965 flytta han til London for å opne ei avdeling av Manité der.
I 1972 gjekk Robinson over til å arbeide med antikvitetar. Han budde i Portugal 1982–1988 og i California 1988–1996.
I 1995 blei utstillinga Captured arrangert på Henie Onstad Kunstsenter i regi av Dan Young. 4. januar 1996 døydde Robinson av hjerteinfarkt heime hjå Dan Young på Bekkestua i Bærum. Dette året blei Captured-utstillinga blei vist i Galleri Bouhlou i Bergen. I 1998 blei utstillinga Manité arrangert på Museet for samtidskunst. I 2010 kom Captured by the Norwegians eller Tatt av Norge ut på nytt av Flamme forlag og Aki Books.
Kjelder
endre- Ingrid Norum i Bjørn Fjellheim (red.), Gripen av havfolket, Florø, 2010.
Bakgrunnsstoff
endreTrykt stoff
- Dan Young, Captured, Oslo, 1995.
- Ingrid Norum, Captured by the Norwegians av Robert A. Robinson, 1958 - En studie av det fotografiske og det norske, Hovudoppgåve i kunsthistorie hausten 1999, Avdeling for kunsthistorie, Universitetet i Oslo
- Ingrid Norum, "Kåre Kivijärvi og Robert A. Robinson. Fotografier fra 1950- og 1960-tallets Nord-Norge", i Anne Aaserud (red.), Nordnorske bilder og bildet av Nord-Norge, Tromsø, 2002, s. 121-135.
- Bjørn Fjellheim(red.) og Ingrid Norum, Gripen av havfolket. Den amerikanske fotografen Robert A. Robinson i Sogn og Fjordane, Brenning nr.2, Florø, 2010.
Lenkjer