Rod Evans
Rod Evans (fødd 19. januar 1947) er ein engelsk songar, mest kjend som den første vokalisten i Deep Purple frå 1968. Han syng på dei første tre albuma, inkludert hitsinglane «Hush» og «Kentucky Woman». Han vart erstatta av Ian Gillan i 1969.
| Rod Evans | |||
 | |||
| Fødd | 19. januar 1947 (77 år) | ||
|---|---|---|---|
| Fødestad | Slough i Berkshire i England | ||
| Fødenamn | Roderick Evans | ||
| Opphav | Storbritannia, USA | ||
| Aktiv | 1959–1973 1980 | ||
| Sjanger | Rock, progressiv rock, hardrock, pop | ||
| Instrument | Vokal | ||
| Stemmetype | baryton | ||
| Tilknytte artistar | Deep Purple, Captain Beyond, The Maze, The Horizons | ||
| Verka som | Songar | ||
| Prisar | Rock and Roll Hall of Fame | ||
Karriere
endreTidleg karriere og Deep Purple
endreFør han vart medlem av Deep Purple, var Evans saman med Ian Paice i bandet MI5 som skifta namn til The Maze. Han var òg med i bandet The Horizons på midten av 1960-talet. Evans var ein av originalmedlemmene i Deep Purple,[1] og den mest kjende Deep Purple-låten med Evans som vokalist er singel-hitten «Hush».
Etter å ha spelt inn tre album med Deep Purple, fekk han i 1969 regelrett sparken[2] på grunn av at han ynskte at bandet skulle spele meir pop-orientert musikk, medan Ritchie Blackmore, Ian Paice og Jon Lord ville spele hardrock.
Etter Deep Purple
endreEtter at han måtte slutte i Deep Purple, gav han ut ein singel som soloartist på Capitol Records før han starta bandet Captain Beyond saman med Johnny Winter sin tidlegare trommeslagar Bobby Caldwell, den tidlegare Iron Butterfly-bassisten Lee Dorman og gitaristen Larry «Rhino» Reinhardt, som òg hadde ei fortid i Iron Butterfly.
Dette var eit band som vart rekna som ein musikalsk suksess, men som aldri tok heilt av salsmessig. Evans spelte inn to album med bandet, og på grunn av manglande kommersiell suksess vart bandet oppløyst etter det tredje albumet. Evans forlét deretter musikken for å konsentrere seg om ein karriere innan medisin[3]
Rettssak om namnet «Deep Purple»
endreI 1980 var han involvert i ei rettssak om rettane til namnet Deep Purple. Sidan Deep Purple ikkje eksisterte som band på den tida, starta han like så godt opp sin eigen versjon av bandet, men møtte kraftig motbør av både publikum og (det eigenlege) Deep Purple-managementet. Dette «Deep Purple»-bandet bestod av Rod Evans, gitaristen Tony Flynn, bassisten Tom de Rivera, keyboardisten Geoff Emery, og Dick Jurgens III på trommar.
Etter rettssaka vart han frådømt retten til å nytte namnet Deep Purple, og dessutan måtte han betale ein skadeerstatning på 672 000 dollar. Han vart òg frådømt rettane til framtidige royaltyar frå albuma han faktisk medverka på.
Han har ikkje vist seg offentleg sidan rettssaka, og ein trur at han arbeider innan medisin i USA, truleg i San Francisco
Diskografi
endreMed Deep Purple
endre- 1968 Shades of Deep Purple
- 1968 The Book of Taliesyn
- 1969 Deep Purple
Med Captain Beyond
endre- 1972 Captain Beyond
- 1973 Sufficiently Breathless
- 2002 Far Beyond a Distant Sun – Live Arlington, Texas (1973)
Kjelder
endre- Denne artikkelen bygger på «Rod Evans» frå Wikipedia på bokmål, den 28. mai 2012.
- Wikipedia på bokmål oppgav desse kjeldene:
Bakgrunnsstoff
endre- The Highway Star – Information from a Deep Purple fansite.
- Additional information Arkivert 2000-01-17 ved Wayback Machine. – Further reading.