Ron Hill

Ronald Hill, kjend som Ron Hill, (25. september 1938–23. mai 2021) var ein britisk langdistanseløpar som vart europameister i maratonløping i 1969.

Ron Hill
Statsborgarskap	Storbritannia
Fødd	25. september 1938 Accrington
Død	23. mai 2021 (82 år) Tameside
Idrett	friidrett
Tok del i	Sommar-OL 1972, Sommar-OL 1968, Sommar-OL 1964

Aktiv

Hill vart sjuandemann på 10 000 meter under Sommar-OL 1968. Året etter sette han personleg rekord på distansen med 28.39,0, ei tid ikkje heilt i verdstoppen. Dermed satsa han for fullt i maraton, same hausten 1969 vann han så maratonløpet i heten i Aten og kunne kalle seg europameister. Våren 1970 sette Hill løyperekord med 2.10.30 då han sprang inn til siger i Boston maraton. Den 23. juli same året gjorde han sitt livs kjappaste maratonløp ved Samveldeleikane 1970 i Edinburgh, tida 2.09.28 var mellom dei aller beste oppnådd ved den tid. I august 1971 sikra Hill seg maraton-bronsen i europameisterskapen i Helsinki, før han i 1972 enda på sjetteplassen i maraton under Sommar-OL 1972.

Medaljar og plasseringar i internasjonale meisterskap

• EM 1962 i Beograd: Braut maratonløpet
• OL 1964 i Tokyo: Nr 18 på 10 000 m og nr 19 i maraton
• EM 1966 i Budapest: Nr 12 i maraton – 2.26.04
• OL 1968 i Mexico by: Nr 7 på 10 000 m – 29.53,2
• EM 1969 i Aten: Gullmedalje i maraton – 2.16.47, framom Gaston Roelants (2.17.22)
• EM 1971 i Helsinki: Bronsemedalje i maraton – 2.14.34
• OL 1972 i München: Nr 6 i maraton – 2.16.30

Kjelder

• Denne artikkelen bygger på «Ron Hill» frå Wikipedia på engelsk, den 29. juni 2019.