Rotsund kapell
Rotsund kapell er ei langkyrkje frå 1932 på Rotsund i Nordreisa kommune i Troms. Kyrkja er i bindingsverk og har 240 sitjeplassar.
| Rotsund kapell | |||
| kyrkje | |||
 | |||
| Land |  Noreg
| ||
|---|---|---|---|
| Fylke | Troms | ||
| Kommune | Nordreisa | ||
| Kyrkjesamfunn | Den norske kyrkja | ||
| Bispedøme | Nord-Hålogaland | ||
| Prosti | Nord-Troms | ||
| Sokn | Nordreisa | ||
| Fellesråd | Nordreisa | ||
| Arkitekt | August Nielsen og Harald Sund | ||
| Material | Tre | ||
| Innvigd | 1932 | ||
| Sitjeplassar | 240 | ||
 Rotsund kapell 69°47′18″N 20°42′29″E / 69.7883°N 20.708°E | |||
| Wikimedia Commons: Rotsund kapell | |||
Historie
endreDet vart anlagt hjelpekyrkjegard i Rotsund i 1860, og det melde seg då eit ynske om å byggje ei kyrkje i samband med gravplassen. I 1887 vedtok kommunestyret i Skjervøy, som Rotsund då var ein del av, å byggje kyrkje der, og i 1920 vart det vedteke i ein kongeleg resolusjon at kapellet skulle byggjast. Likevel stod det ikkje klart før i 1932.
Bygginga tok til i februar 1932 og tok berre fem månedar. Kapellet kosta under 40 000 kronar, og av desse var om lag 10 000 samla inn privat. Arkitekt Harald Sund teikna kapellet.
Kapellet vart vigsla av biskop Eivind Berggrav 18. september 1932. Heile 21 born vart døypte i gudstenesta, og nesten tusen menneske møtte opp.
Under andre verdskrigen vart kapellet rekvirert av tyske styrkar og nytta til innkvartering. Altarbildet som var i kapellet, vart skore ned og rulla saman, noko som førte til at det vart øydelagt. Dagens altarbilete er difor ikkje like gamalt som resten av kyrkja. Ramma for biletet har framleis eit kulehol etter den tyske bruken av kapellet. Dette kjem frå eit vådeskudd som gjekk av i kapellet.
Inventar
endre
- I korboga heng eit krusifiks laga av kunstnaren Oscar Lynum.
- I kapellet er eit eksemplar av Den Resen-Svaningske Bibel, gjeve ut i 1647.
Kjelder
endre- Denne artikkelen bygger på «Rotsund kapell» frå Wikipedia på bokmål, den 26. september 2019.
- Ronny Trælvik og Lill-Karin Elvestad, Kirkene i Troms. Bind II, Bok i Nord, Finnsnes, 2016. Side 157–163
Bakgrunnsstoff
endre- «Rotsund kapell». Kirkesøk. Den norske kyrkja.
- Nordreisa kyrkjelege fellesråd om Rotsund kapell
- Arkitekturguide for Nord-Norge og Svalbard
- Rotsund kapell i kulturminnesok.no, nettstaden til Riksantikvaren
- Alf Henry Rasmussen, red. (1993). «Rotsund kapell, Rotsundelv». Våre kirker. Norsk kirkeleksikon. Kirkenær: Vanebo forlag. s. 118. ISBN 82-75-27022-7.