Sølvi

Sølvi er eit kvinnenamn, ei norsk sideform til namnet Sylvi eller Sylvia, som er hokjønsforma av det latinske ordet Silvius, som tyder skog. Namnet kan og vere avleia av namnet Sølve, eit namn kan vere sett saman av Sǫl- ('hus, sal') og -ve ('heilagdom') eller -ver ('mann, kjempe'), men som kvinnenamn òg kan vere ei kortform av namn som Solveig.

Sølvi har norsk namnedag den 20. juni.

Bruk

Bruken av namnet i Noreg

Namnet var lite bruka rundt førre hundreårsskifte, men populariteten steig kraftig i mellomkrigstida, med ein topp mot slutten av 1950-åra.

• I folketeljinga frå 1801 hadde 27 kvinner namnet Sølvi
• I 1900 var 17 kvinner listeførte med namnet Sølvi, flest budde i Hordaland
• I 2008 hadde 3691 kvinner Sølvi til første fornamn

Kjende namneberarar

Sølvi Wang

• Sølvi Wang (1929-2011), norsk songar
• Sølvi (Bauge) Sogner (1932-2017), norsk historikar
• Sølvi Ytterstad (fødd 1945), norsk lyrikar
• Sølvi Lillejord (fødd 1952), norsk pedagogikkprofessor
• Sølvi Meinseth (fødd Olsen, 1967), norsk friidrettsutøvar

Kjelder

• Olav Veka: Namneboka, Det Norske Samlaget 1991
• Spørjekassa om namn Arkivert 2006-10-30 ved Wayback Machine.

• Søk etter norsk namnestatistikk for Sølvi hjå Statistisk Sentralbyrå
• Folketeljingar i Digitalarkivet