Sørsamisk valkrins
Sørsamisk valkrins, tidlegare kalla Sørsameområdet valkrins, (sørsamisk: Åarjel-Saepmie veeljemegievlie, bokmål: Sørsamisk valgkrets) er ein valkrins ved Sametingsvala i Noreg.[1] Krinsen vert også kalla valkrins 6. Stemmerett i krinsen har dei som er busette der og er innførte i manntalet til Sametingsvalet. I 2017 var 1148 personar registrerte i manntalet i området.[2]
Krinsen femner Nordlandskommunane frå og med Rana og Rødøy og sørover, alle kommunane i Trøndelag fylke, Surnadal og Sunndal kommunar i Møre og Romsdal fylke, og Engerdal, Rendalen, Os, Tolga, Tynset og Folldal kommunar i Hedmark fylke.[1]
I 2017 vart det vald inn fire sametingsrepresentantar frå krinsen.[3] Sametinget skal til saman ha 39 representantar.
Krinsordninga ved Sametingsvala vart endra framfor valet i 2009. I staden for dei 13 krinsane ein nytta ved Sametingsvala i 1989, 1993, 1997, 2001 og 2005, er det frå 2009 sju krinsar.[4] Sørsamisk valkrins er ved endringa av krinsordninga utvida med åtte kommunar mot sør, det gjeld Surnadal, Sunndal og Rindal kommunar i Møre og Romsdal fylke og Rendalen, Os, Tolga, Tynset og Folldal kommunar i Hedmark fylke. Desse kommunane høyrde tidlegare til Sør-Noreg valkrins.[5]
Parti og vallister som stilte til Sametingsvalet i 2017 i Sørsamisk valkrins
endreDesse partia og vallistene stilte til Sametingsvalet i 2017 i krinsen.[6]
- Arbeidarpartiet
- Framstegspartiet
- Høgre
- Norske Samers Riksforbund
- Senterpartiet
- Åarjel-Saemiej Gielh (Sørsamiske røyster)
Referansar
endre- ↑ 1,0 1,1 Lov om Sametinget og andre samiske rettsforhold (sameloven). på nettstaden lovdata.no
- ↑ «Sametingets valgmanntall 2017», www.sametinget.no, arkivert frå originalen 26. februar 2019, henta 26. februar 2019
- ↑ Mandatfordelingen. Sametinget. Henta frå https://www.sametinget.no/Valg/Valgordningen-og-valgkretsene Arkivert 2019-02-26 ved Wayback Machine. den 25.2.2019.
- ↑ «Ny valgordning» på nettstaden til Det norske sametinget[daud lenkje]
- ↑ Sametingsvalget 2009: «6. Åarjel-Saepmie veeljemegievlie/Sørsamisk valgkrets» på nettstaden til NRK Sameradioen
- ↑ «Valgkrets 6 Sørsamisk», www.sametinget.no, arkivert frå originalen 27. februar 2019, henta 26. februar 2019