Surnadal kommune
Surnadal er ein kommune på Nordmøre i Møre og Romsdal. Kommunen grensar til Heim kommune i nord, Rindal i aust og Sunndal i sør. Over fjorden ligg Tingvoll kommune.
| Surnadal kommune | |||
| kommune | |||
 Utsyn over Surnadalsfjorden
| |||
|
|||
| Land |  Noreg
| ||
|---|---|---|---|
| Fylke | Møre og Romsdal | ||
| Adm.senter | Skei | ||
| Areal | 1 366,05 km² | ||
| • land | 1 322,26 km² | ||
| • vatn | 43,79 km² | ||
| Folketal | 5 953 (1. januar 2024) | ||
| Målform | nynorsk | ||
| Ordførar | Hugo Pedersen (Sp) (2023) | ||
| Kommunenr. | 1566 | ||
 Surnadal kommune 62°56′51″N 8°46′12″E / 62.9475°N 8.77°E | |||
 Kart som viser Surnadal kommune.
| |||
| Wikimedia Commons: Surnadal | |||
| Nettstad: www.surnadal.kommune.no | |||
Surnadal kommune ligg ved foten av Trollheimen. Han er sett saman av fleire dalar, med Surnadalen som den viktigaste. Dei mindre dalane er Bæverfjord, Bæverdalen, Bøfjorden, Østbødalen, Søyådalen, Todalen, Kvanne og Stangvik.
Frå Surnadal strekkjer det seg fleire seter- og fjelldalar langt inn i sentrum av Trollheimen. Det høgaste fjellet her er Snota, 1668 moh. Elva Surna renn gjennom Surnadal frå Rindal og vestover. Her blir elva forma i det største deltaområdet i Nord-Europa før ho renn ut i Surnadalsfjorden[treng kjelde]. Surna er rik på laks og er eit trekkplaster for bygda.
Det milde klimaet og jordsmonet gjer Surnadal til ein god jordbrukskommune. Økonomien er bygd på jordbruk, skogsdrift, industri og meir. Administrasjonssentrumet heiter Skei. Surnadal har ferjesamband med Sunndal over Kvanne–Rykkjem, og riksveg 65 går til Trondheim.
Surnadal er heimbygda til den nasjonalkjende diktaren Hans Hyldbakk, som har vore med på å gje bygda sterke kulturtradisjonar.
Folketalsutvikling
endreFolketalsutvikling for noverande Surnadal kommune frå 1920:
| 1.12.1920[1] | 1.12.1930[2] | 3.12.1946[2] | 1.1.1951[3][4][5] | 1.1.1961[3] |
|---|---|---|---|---|
| 5887a | 6135a | 6703a | 6760a | 6554a |
| 1.1.1971[3] | 1.1.1981[3] | 1.1.1991[3] | 1.1.2001[3] | 1.1.2010[3] |
| 5979 | 6259 | 6391 | 6248 | 5956 |
- a Talet omfattar krinsen Ålvundfjord og grendene Åsprong og Sandnes, som var del av gamle Stangvik kommune fram til kommunesamanslåinga i 1965. Ålvundfjord vart då overført til Sunndal kommune og Åsprong og Sandnes til Tingvoll kommune. Desse områda hadde då 534 innbyggjarar til saman.
Kjende personar frå Surnadal
endre- Ole Andreas Lindeman (1769–1857), organist og musikkpedagog
- Hallvard Ørsal (1876–1943), spelemann
- Hans Hyldbakk (1898–2001), diktar og bygdebokforfattar
- Kaare Espolin Johnson (1907–1994), biletkunstnar og illustratør
- Henning Sommerro (f. 1952), musikar, komponist og musikklærar
- Trygve Brøske (f. 1973), pianist og komponist
- Ivar Loe Bjørnstad (f. 1981), trommeslagar og handverkar
Bilete
endre-
Trollhetta sett frå Snota -
-
Mo kyrkje er ei av dei få Y-forma kyrkjene i landet.
Kjelder
endre- ↑ Statistisk årbok for kongeriket Norge 40de årgang, 1920 (Det statistiske centralbyrå, 1921)
- ↑ 2,0 2,1 Statistisk årbok for Norge 69. årgang, 1950 (Statistisk sentralbyrå, 1950)
- ↑ 3,0 3,1 3,2 3,3 3,4 3,5 3,6 Folkemengd i Surnadal 1. januar kvart år frå 1951, frå Statistisk sentralbyrå
- ↑ Folkemengd i Stangvik 1. januar kvart år frå 1951, frå Statistisk sentralbyrå
- ↑ Folkemengd i Åsskard 1. januar kvart år frå 1951, frå Statistisk sentralbyrå