Sarafan

Sarafan (russisk сарафа́н) er ein kjoleforma kvinnedrakt som var vanleg i Det russiske keisarriket frå rundt 1700 fram til den russiske revolusjonen i 1917. Sarafan er ein type stroppekjole; han består av eit livstykke som ofte er ettersitjande, utan erme, men med stroppar eller band over skuldrene. Dette er sydd fast til eller brukt saman med eit vidt skjørt. Plagget er ofte fargerikt og pynta med mønstra bordar. Drakten blir tradisjonelt brukt over ein bluse og ofte i lag med forkle. I dag inngår plagget i russiske folkedrakter.

Sarafan frå 1800-talet

Galleri

• 
  Raud sarafan
• 
  Folkedrakt av sarafan, bluse og forkle frå Moskva oblast
• 
  Festdrakt frå Lugansk frå 1800-talet
• 
  Russiske bondejenter ved elva Sjeksna nær landsbyen Kirillov fotografert av Sergej Prokudin-Gorskij 1909. Jenta i midten ber sarafan av brokade.
• 
  Illustrasjon av Ivan Bilibin (1876-1942) til det russiske folkeventyret Maria Morevna. Alle jentene er teikna med tradisjonelle sarafanar. Mennene har òg russiske folkedrakter, blant anna med kosovorotka («russarskjorte»).

Kjelder

• Denne artikkelen bygger på «Sarafan» frå Wikipedia på bokmål, den 29. oktober 2021.

Bakgrunnsstoff

Commons har multimedium som gjeld: Sarafan