Seksuelt overførbare sjukdommar

Seksuelt overførbare sjukdommar er sjukdommar som typisk blir overførte gjennom seksuell omgang, som samleie, eller ved at infeksjon kjem i kontakt med uinfiserte slimhinner gjennom annan kontakt, som fødsel og amming. Mange av sjukdommane kan også smitta gjennom infisert blod eller blodprodukt, eller ved bruk av infiserte sprøyter. Andre kan ganske enkelt smitta gjennom hudkontakt.

Disability-adjusted life year (DALY), år tapte på grunn av seksuelt overførbare sjukdommar (utanom hiv) per 100 000 innbyggjarar.

██ no data ██ ≤  25 ██ 25-50 ██ 50-75 ██ 75-100 ██ 100-200 ██ 200-300 ██ 300-400 ██ 400-500 ██ 500-750 ██ 750-1000 ██ 1000-2000 ██ ≥  2000

I denne gruppa sjukdommar finn ein typiske kjønnssjukdommar som syfilis, gonoré, klamydia, blaut sjanker (ulcus molle), lymfogranuloma inguinale og granuloma venerum. Virus som hiv/aids, hepatitt B, herpes og papillomavirus, som kan føra til kjønnsvorter og fleire former for kreft, er også seksuelt overførbare

Seksuell omgang med fleire aukar risikoen for smitte av seksuelt overførbare sjukdommar, men ein kan også få dei gjennom ein enkelt kontakt med ein infisert person. Rett bruk av kondom ved samleie senker risikoen.

Sjukdommar som er forårsaka av bakteriar kan behandlast med antibiotika. Det finst vaksinar mot nokre av virusa, som ellers ofte kan hemmast med antivirusmedisin, sjølv om ein ikkje blir kvitt viruset.

Kjelder

• Denne artikkelen bygger på «Sexually transmitted disease» frå Wikipedia på engelsk, den 1. februar 2010.

• «seksuelt overførbare sykdommer» i Store norske leksikon, snl.no.