Sentimental Lady
| Sentimental Lady Song av Fleetwood Mac frå albumet Bare Trees | ||
| Utgjeve | 1972 | |
| Innspelt | 1972 | |
| Sjanger | Rock | |
| Lengd | 4:34 | |
| Selskap | Reprise | |
| Låtskrivar(ar) | Bob Welch | |
|---|---|---|
| Produsent | Fleetwood Mac | |
| Sentimental Lady Singel av Bob Welch frå albumet French Kiss | ||
| Utgjeve | Oktober 1977 | |
| Innspelt | 1977 | |
| Sjanger | Rock | |
| Lengd | 2:58 | |
| Selskap | Capitol | |
| Låtskrivar(ar) | Bob Welch | |
|---|---|---|
«Sentimental Lady» er ein song skriven av Bob Welch. Songen vart ført spelt inn av Fleetwood Mac i 1972 på albumet Bare Trees, men vart spelt inn på ny av Welch for det første soloalbumet hans, French Kiss, i 1977.[1][2][3] «Sentimental Lady» er ein romantisk song som opphavleg vart skriven for den første kona til Welch.
Historie og utgjeving
endreSongen vart opphavleg skriven av Welch på det tidlegare Gorham Hotel på 55th Street i New York City.[3]
Den originale versjonen av songen på Bare Trees var kring fire og eit halv minutt lang med korvokal av Christine McVie. Originalen hadde to vers med ein reprise av det første verset etter det instrumentale mellomspelet.
Nyinnspelinga i 1977 er truleg den mest kjende versjonen av songen, og vart ein hit for Welch. Singelen kom ut ein månad før albumet, French Kiss, som kom ut 18. november 1977, og nådde topp 10 i USA. Singelen låg inne på topp 20 i fleire månader.[4]
Mick Fleetwood vart invitert med til å spele trommer på innspelinga til Welch i 1977. Nyinnspelinga av songen hadde òg med Christine McVie og Lindsey Buckingham frå Fleetwood Mac som korsongarar[3] og produsentar, men i motsetnad til originalen som hadde to vers, hadde Welch sin versjon berre eitt vers og songen var korta ned til kring tre minuttar.[2][3]
Popkultur
endreSongen er nytta i filmane Grown Ups og About Schmidt.
I 2009 vart songen spelt inn av Valley Lodge på det andre albumet Semester at Sea.
Songen vart òg nytta som avslutning i ein episode av serien Cold Case i sesong 6, episode 4 kalla «Roller Girl».
Medverkande
endreFleetwood Mac-versjonen
endre- Mick Fleetwood - trommer
- John McVie - bassgitar
- Christine McVie - piano, orgel, korvokal
- Bob Welch - rytmegitar, solo- og korvokal
- Bob Weston - sologitar, slidegitar
Bob Welch-versjonen
endre- Bob Welch - gitarar, bassgitar, solo- og korvokal
- Mick Fleetwood - trommer
- Lindsey Buckingham - gitarar, korvokal
- Christine McVie - korvokal
Kjelder
endre- Denne artikkelen bygger på «Sentimental Lady» frå Wikipedia på engelsk, den 17. juli 2015.
- Wikipedia på engelsk oppgav desse kjeldene:
- ↑ Rooksby, Rikky (2004). Fleetwood Mac: The Complete Guide to Their Music. Omnibus Press. s. 40–42. ISBN 9781844494279.
- ↑ 2,0 2,1 «Bare Trees». Last FM. Henta 17. juli 2015.
- ↑ 3,0 3,1 3,2 3,3 «Sentimental Lady (2:58)». Last FM. Henta 17. juli 2015.
- ↑ Billboard. Vol. 90, No. 1. January 1978. s. 67.