Sergej A. Makarov

Sergej Aleksandrovitsj Makarov (fødd 19. mars 1973) er ein russisk tidlegare friidrettsutøvar frå Podolsk som tevla i spydkast. Han vart verdsmeister i øvinga i 2003, og har dessutan eitt EM-sølv, to OL-bronsar og ein VM-bronse i premiesamlinga si. Hans personlege rekord er på 92,61 m. Aleksandr Makarov, som fekk OL-sølv i spydkast i 1980, er far hans.

Sergej A. Makarov
Statsborgarskap	Russland
Fødd	19. mars 1973 (51 år) Podolsk
Idrett	friidrett
Tok del i	Sommar-OL 2008, Sommar-OL 2004, Sommar-OL 2000, Sommar-OL 1996
Utmerkingar	Fedrelandets fortjenstordens medalje av 1. klasse, Fedrelandets fortjenstordens medalje av 2. klasse

Aktiv

Makarov fekk sin internasjonale meisterskapsdebut under sommar-OL 1996, der han vart nummer seks. Året etter kleiv han ein plass opp på premiestigen i VM i friidrett, for så å klive endå eit steg opp i EM i friidrett den påfylgjande sesongen. I 2000 vann han OL-bronsen i spydkast, ein prestasjon han gjentok fire år seinare, under sommar-OL 2004 i Athen. Øvinga vart då vunnen av nordmannen Andreas Thorkildsen. I tida mellom dei to olympiadane hadde Makarov vunne EM-sølv i 2002, og vorte verdsmeister i spydkast 2003. Han vann si siste store meisterskapsmedalje då han fekk bronsen under friidretts-VM 2005 i Helsingfors.

Med ein personleg rekord på 92,61 ligg Makarov på tredjeplass på verdsstatistikken i spydkasting. Rekordkastet oppnådde han i Sheffield i 2002.

Medaljar og plasseringar i internasjonale meisterskap

• OL 1996 i Atlanta: Nr 6 – 85,30 m
• VM 1997 i Aten: Nr 5 – 86,32 m
• EM 1998 i Budapest: Nr 4 – 86,45 m
• VM 1999 i Sevilla:Nr 9 – 83,20 m
• OL 2000 i Sydney: Bronsemedalje – 88,67 m, bakom Jan Zelezny (90,17 m) og Steve Backley (89,85 m)
• VM 2001 i Edmonton: Nr 7 – 83,64 m
• EM 2002 i München: Sølvmedalje – 88,05 m, bakom Steve Backley (88,54 m)
• VM i 2003 i Paris: Gullmedalje – 85,44 m, framom Andrus Värnik (85,17 m)
• OL 2004 i Aten: Bronsemedalje – 84,84 m, bakom Andreas Thorkildsen (86,50 m) og Vadims Vasilevskis (84,95 m)
• VM i 2005 i Helsingfors: Bronsemedalje – 83,54 m, bakom Andrus Värnik (87,17 m) og Andreas Thorkildsen (86,18 m)
• VM i 2007 i Osaka: Utslått i kvalifiseringa (78,22 m)
• OL 2008 i Beijing: Utslått i kvalifiseringa (72,47 m)
• EM 2010 i Barcelona: Nr 7 – 80,86 m
• VM 2011 i Daegu: Nr 12 – 78,76 m

Kjelder

• Denne artikkelen bygger på «Sergei Alexandrowitsch Makarow» frå Wikipedia på tysk, den 21. april 2013.