Sergej Kljugin

Sergej Petrovitsj Kljugin (fødd 24. mars 1974) er ein russisk tidlegare høgdehoppar frå Kinesjima. Han vart olympisk meister i øvinga i 2000.

Sergej Kljugin
Statsborgarskap	Russland
Fødd	24. mars 1974 (50 år) Kinesjma
Idrett	friidrett
Tok del i	Sommar-OL 2000
Utmerkingar	Æresordenen, Venskapsordenen, Fortjent trener i Russland

Aktiv

Kljugin forbetra sin personlege rekord til 2,30 meter i 1997-sesongen. Ved verdsmeisterskapen 1997 i Aten vart han nummer 11 med 2,29 m. Året etter, 12. august 1998, gjorde han sitt livs høgste hopp under stemnet Weltklasse Zürich der han tok seg over 2,36 m. Seinare i 1998-sesongen vann han bronsemedaljen i europameisterskapen i Budapest. Med 2,32 meter i sluttprotokollen vart han einast overgått av Artur Partyka frå Polen og briten Dalton Grant.

Kljugins store stund kom under OL 2000 i Sydney. Her vann han OL-gullet i høgdehopp. Sigershoppet målte 2,35 m, ein centimeter under hans personlege rekord.

Kljugin vart russisk meister i høgdehopp både i 2000 og 2001. Han enda på fjerdeplassen i høgdetevlinga under VM i friidrett 2001 i Edmonton.

Medaljar og plasseringar i internasjonale meisterskap

• VM 1997 i Aten: Nr 11 – 2,29 m
• EM 1998 i Budapest: Bronsemedalje – 2,32 m, framom Martin Buß (2,32 m)
• VM 1999 i Sevilla: Utslått i kvalifiseringa (2,20 m)
• OL 2000 i Sydney: Gullmedalje 2,35 m, framom Javier Sotomayor (2,32 m)
• VM 2001 i Edmonton: Nr 4 – 2,30 m

Kjelder

• Denne artikkelen bygger på «Sergei Petrowitsch Kljugin» frå Wikipedia på tysk, den 16. april 2015.