She's Always a Woman

She's Always a Woman 7" singel, 12" singel av Billy Joel frå albumet The Stranger
B-side	«Vienna»
Utgjeve	1977
Innspelt	A & R Recording, Inc., New York City, 1977
Sjanger	Softrock, folkrock
Lengd	3:21
Selskap	Columbia
Tekstforfattar	Billy Joel
Låtskrivar(ar)	Billy Joel
Produsent	Phil Ramone
Billy Joel-kronologi
«Only the Good Die Young» (1977)	She's Always a Woman	«The Stranger» (1978)

«She's Always a Woman» er ein song av Billy Joel frå albumet The Stranger i 1977. Han er ein kjærleikssong om ei moderne kvinne, som han forelskar seg i trass i underlege vanar og lyte. Singelen nådde 17. plass i USA og i 1986 nådde han 53. plassen i Storbritannia då han vart gjeven ut som ei dobbel A-side i lag med «Just the Way You Are». Den 2. mai 2010 gjekk songen igjen inn på den britiske singellista og nådde 29. plassen.

Songen vert spelt i 6/8-takt. Ein Muzak-versjon av songen vart spelt i World Trade Center augneblikk før bygningen vart øydelagd under 11. september-åtaka i 2001.

Opphav og tyding

Songen vart gjeven ut i 1977, etter fleire andre hittar frå The Stranger inkludert «Just the Way You Are», «Movin' Out (Anthony's Song)» og «Only the Good Die Young». Musikalsk har Joel sagt at han var inspirert av Gordon Lightfoot og dei rolege, akustiske gitarballadane hans. Det er ein kjærleikssong som Joel skreiv til den dåverande kona si, Elizabeth.

Innhald

7" singel (1977)

1. «She's Always a Woman»
2. «Vienna»

Singel (CBS)

1. «She's Always a Woman»
2. «Movin' Out (Anthony's Song)"

Japansk 7" singel (CBS 06SP 248)

1. «She's Always a Woman»
2. «Only The Good Die Young»

Lister

Liste (1977)	Plassering
U.S. Billboard Hot 100	17
U.S. Billboard Hot Adult Contemporary Tracks	2
Liste (1978)	Plassering
Belgia (Flandern)	28
Canada	12
Nederland	15
Liste (1986)	Plassering
Irland	22
UK Singles Chart	53
Liste (2007)	Plassering
Italia	56
Liste (2010)	Plassering
UK Singles Chart	29
Liste (2011)	Plassering
Austerrike	37

Fyfe Dangerfield-versjonen

She's Always a Woman Singel av Fyfe Dangerfield frå albumet Fly Yellow Moon
Utgjeve	10. mai 2010
Lengd	3:14
Selskap	Fantastic Plastic, Polydor
Tekstforfattar	Billy Joel
Fyfe Dangerfield-kronologi
«Faster Than the Setting Sun» (2010)	She's Always a Woman	«Barricades" (2010)

Fyfe Dangerfield, frontperson i Guillemots, spelte ein versjon av songen i 2010 som vart nytta i ein reklamefilm for den britiske butikken John Lewis. Dette gjorde at originalversjonen til Billy Joel gjekk inn på den britiske singellista på 29. plass den 1. mai 2010.

Dangerfield-versjonen av songen gjekk inn på UK Singles Chart den 2. mai 2010 på ein 99. plass og klatra etter kvart heilt til 7. plassen

Andre versjonar

• Lynda Carter spelte ein versjon av songen på debutalbumet Portrait.
• I 1980 spelte Hana Zagorová ein tsjekkisk versjon kalla «Vím málo».
• Copeland spelte ein versjon av songen i 2004 på albumet Know Nothing Stays the Same.
• I 2004 spelte Zorán ein ungarsk versjon av songen kalla «A nő».
• I 2006 spelte saksofonisten Michael Lington inn songen.
• Den britiske songaren John Barrowman spelte ein versjon av songen i 2007 på albumet Another Side.
• The King's Singers spelte songen i 2008 på albumet Simple Gifts.
• Bassisten Jon Reshard spelte inn songen i 2009.
• Celtic Thunder spelte inn songen for albumet deira Voyage.

Kjelder

• Denne artikkelen bygger på «She's Always a Woman» frå Wikipedia på engelsk, den 28. august 2014.
  • Wikipedia på engelsk oppgav desse kjeldene:

Bakgrunnsstoff

• Heile songteksten på MetroLyrics