Operaen Siegfried

(Omdirigert frå Siegfried (opera))

Siegfried, WWV 86C, er ein tyskspråkleg opera i tre akter med tekst og musikk av Richard Wagner, og inngår som det tredje av fire musikkdrama som utgjer Wagners syklus Nibelungenringen (Der Ring des Nibelungen).[1] Siegfried hadde premiere i Bayreuth Festspielhaus den 16. august 1876, som ein del av den første komplette framsyninga av Ring-syklusen. Historia er basert på legender og segn frå germansk og norrøn mytologi, i hovudsak forteljinga om den unge helten Sigurd sitt liv (som på tysk vert kalla for Siegfried).

Siegfried
WWV 86C
Opera av Richard Wagner

Siegfried drep draken Fafner, illustrasjon av Arthur Rackham (1911)
PeriodeRomantikken
Urframføring16. august 1876
Typisk lengdca. 4 timar
Satsar/akter3 aktar
Libretto avRichard Wagner

Roller endre

Rolle Stemmeleie Rollebesetning, 16. august 1876

(Dirigent: Hans Richter)

Siegfried tenor Georg Unger
Mime, ein dverg tenor Max Schlosser
Der Wanderer (vandraren) bassbaryton Franz Betz
Alberich, ein dverg baryton Karl Hill
Fafner, ein drake bass Franz von Reichenberg
Waldvogel (skogsfugl) sopran Marie Haupt
Erda alt Luise Jaide
Brünnhilde sopran Amalie Materna

Kjelder til forteljinga endre

Elementer av handlinga til Siegfried kjem frå ei rekke forskjellige kjelder.

I eit brev til Theodor Uhlig gav att Wagner forteljinga Märchen von einem, der auszog das Fürchten zu lernen (Eventyr om ein som sette seg føre å læra frykt), basert på eit eventyr av Grimm-brørne. Ho handlar om ein gut så dum at han aldri hadde lært å vera redd. Wagner skreiv at denne guten og Siegfried er den same karakteren. Guten lærer seg frykta av kona si, og Siegfried lærer det når han oppdagar den sovande Brünnhilde.[2]

Siegfrieds evne i akt 2 til å sjå gjennom Mimes svikefulle ord ser ut til å ha vorte henta frå ein gateteaterversjon frå 1800-talet av historia om Faust.[3]

Nokre element av historia er henta frå legender som omhandlar Sigurd, særleg Volsungesoga og Soga om Didrik av Bern. Scene 1 i akt 3 (mellom vandraren og Erda) har ein parallell i Edda-diktet Baldrs draumar, der Odin spør ein volve om framtida til gudane.[4]

Kjente utdrag endre

  • Forspillet til akt 1
  • Siegfrieds sverdsong ("Notung! Notung! Neidliches Schwert", akt 1, scene 3)
  • Siegfrieds smiesong ("Hoho! Hoho! Hohei! Schmiede mein Hammer, ein hartes Schwert!", akt 1, scene 3)
  • Forspillet til akt 2
  • Waldweben (Skogens sus) ("Dass der mein Vater nicht ist", akt 2, scene 2)
  • Siegfrieds kamp med draken, akt 2, scene 2
  • Forspillet til akt 3
  • Siegfried går gjennom elden, akt 3, scene 2-3
  • Brünnhildes oppvåkning ("Heil dir, Sonne! Heil dir, Licht!", akt 3, scene 3)

Litteratur endre

  • Dieter Borchmeyer (1982) Das Theater Richard Wagners. Idee ─ Dichtung ─ Wirkung, Stuttgart (Reclam); Engelsk oversettelse: Drama and the World of Richard Wagner, Princeton (Princeton University Press) 2003, ISBN 978-0-691-11497-2.
  • Deryck Cooke (1979). I Saw The World End. Oxford: Oxford University Press. ISBN 978-0-19-315318-9.
  • Robert Donington (1963). Wagner's 'Ring' and its Symbols. London: Faber and Faber.
  • J.K. Holman (2001). Wagner's Ring: A Listener's Companion & Concordance. Portland, OR: Amadeus Press. ISBN 978-1-57467-070-7
  • Barry Millington (1992). "The Music: Operas". In Barry Millington (ed.). The Wagner Compendium. London: Thames and Hudson. ISBN 978-0-50028-274-8.
  • Roger Scruton (2016). The Ring of Truth: The Wisdom of Wagner's Ring of the Nibelung. London: Penguin Books. ISBN 978-0-141-98072-0.

Kjelder endre

  1. Wagner, Richard (2011), Siegfried., Nicholas John, Andrew Porter, Alma Books, ISBN 978-0-7145-4506-6, OCLC 980823981, henta 4. juni 2022 
  2. Tatar, Maria (2003), The hard facts of the Grimms' fairy tales (utvida 2. utg.), Princeton University Press, s. 104, ISBN 0-691-11469-2, OCLC 51216102, henta 4. juni 2022 
  3. Millington, Barry (2002), The New Grove Wagner (på engelsk), Macmillan : Grove/Palgrave, OCLC 1150863166, henta 4. juni 2022 
  4. Malm, Mats (2000). "Baldrs draumar: literally and literarily", i Old Norse Myths, Literature and Society: Proceedings of the 11th International Saga Conference 2–7 July 2000, University of Sydney, ed. Geraldine Barnes and Margaret Clunies Ross, s. 277–289. Sydney: Centre for Medieval Studies, University of Sydney. ISBN 1-86487-3167

Bakgrunnsstoff endre

  Wikimedia Commons har multimedia som gjeld: Operaen Siegfried