Skiensvassdraget
Skiensvassdraget drenerer store delar av Telemark før det munnar ut i Frierfjorden ved Porsgrunn. Nedbørsfeltet er 10 780 km², og lengda er 252 km.
Vassdraget består hovudsakleg av tre hovudgreiner som samlar seg i Norsjø ovanfor Skien;
- Vinje-Tokke-vassdraget, med innsjøane Totak, Bandak, Kviteseidvatnet og Flåvatn.
- Bø-vassdraget, med Sundsbarmvatnet og Seljordsvatnet.
- Tinn-vassdraget, med Møsvatnet, Kalhovdfjorden, Tinnsjå og Heddalsvatnet.
Skiensvassdraget er sterkt regulert for kraftproduksjon, og store delar er kanalisert. Det var det siste vassdraget i Noreg der det vart drive kommersiell tømmerfløyting. Med nedlegginga av Norske Skog Union i 2006 slutta derimot dette.