Songen After the Gold Rush
| After the Gold Rush Song av Neil Young frå albumet After the Gold Rush | ||
| Språk | engelsk | |
| Utgjeve | 19. september 1970 | |
| Innspelt | mars-april, 1970 | |
| Sjanger | Folkrock | |
| Lengd | 3:45 | |
| Selskap | Reprise | |
| Komponist | Neil Young | |
| Tekstforfattar | Neil Young | |
| Låtskrivar(ar) | Neil Young | |
|---|---|---|
| Produsent | Neil Young David Briggs | |
«After the Gold Rush» er ein song av Neil Young frå albumet med same namn frå 1970. I tillegg til After the Gold Rush, finst songen på Decade, Greatest Hits og Live Rust.
Teksten til songen omhandlar miljøet i form av eit draumesyn.[1] Dei tre versa er ofte kategorisert som stykke frå fortida, notida og framtida. Valthornsoloen i midten vert ofte erstatta av ein munnspelsolo frå Young når han spelar songen på konsertar. Linja «Look at Mother Nature on the run in the 1970s» er endra av Young for kvart ti år, slik at han no syng: «Look at Mother Nature on the run in the 21st century».
|
There was a band playing in my head
Neil Young (1970)
|
Songen er spelt av mange andre artistar, mellom anna Prelude i 1974, som fekk ein hit med songen over heile verda. Andre artistar er Thom Yorke, k. d. lang, The Flaming Lips, Michael Hedges og Natalie Merchant. Emmylou Harris, Dolly Parton og Linda Ronstadt spelte songen på albumet Trio II i 1999. Parton spelte òg songen solo i 1996, men ho endra linja «I felt like getting high» til «I felt like I could cry» med løyve frå Neil Young). Thom Yorke spelte stundom songen solo under Radiohead-konsertar i 2003. Songen er òg spelt på konsertar av Tori Amos, Dave Matthews og Nana Mouskouri.
Dolly Parton sa at då ho lagde hennar versjon av songen i lag med Harris og Ronstadt, så lurte dei på kva teksten betydde. Dei ringte Neil Young, men han visste ikkje: «Hm, eg veit ikkje. Eg berre skreiv han. Det kjem an på kva eg tok på den tida. Eg trur kvart vers var noko forskjellig eg hadde teke.»
Kjelder
endre- Denne artikkelen bygger på «After the Gold Rush (song)» frå Wikipedia på engelsk, den 26. oktober 2010.
- Wikipedia på engelsk oppgav desse kjeldene:
- ↑ Sally K. Slocum (1992), Popular Arthurian traditions, s. 105