Songen Who Are You
| Who Are You Singel av The Who frå albumet Who Are You | ||
| A-side |
«Had Enough»[1] | |
|---|---|---|
| Språk | engelsk | |
| Utgjeve | 14. juli 1978 (Storbritannia) 5. august 1978 (USA) | |
| Innspelt | 4. oktober 1977 | |
| Sjanger | ||
| Lengd | 6:20 (album) 5:01 (singel) 3:24 (amerikansk singel) | |
| Selskap | Polydor 2121 361 (Storbritannia) MCA (USA) | |
| Komponist | Pete Townshend | |
| Tekstforfattar | Pete Townshend | |
| Låtskrivar(ar) | Pete Townshend | |
| Produsent | ||
| The Who-kronologi | ||
| «Squeeze Box» (1975) |
Who Are You | «Trick of the Light» (1978)
|
«Who Are You» er ein song av Pete Townshend og tittelsporet på The Who-albumet Who Are You frå 1978, det siste albumet som trommeslagar Keith Moon var med på før han døydde i september 1978. Songen vart gjeven ut som ei dobbel A-side i lag med John Entwistle sin «Had Enough». Songen vart den største hitten til bandet i USA og nådde 14. plass.
Tekst endre
Albumutgåva inkluderte eit ekstra vers samanlikna med den langt kortare singelutgåva. I tillegg finst ei «tapt vers»-utgåva av songen på 1996-utgåva av albumet. Denne inneheld eit heilt anna andreverds: «I used to check my reflection / Jumping with my cheap guitar / I must have lost my direction, cause I ended up a superstar/ One night I was in the boardroom/ Affected by the human race/ You can learn from my mistakes, but you're posing in the glass again».
Songen er uvanleg fordi Roger Daltrey tydleg syng ordet «fuck», men at songen likevel har vorte mykje spelt usensurert på radio.
Tolking endre
I dokumentaren Amazing Journey: The Story of The Who fortel Sex Pistols-gitaristen Steve Jones om eit møte med ein full Pete Townshend som ropar «Who are you?! Who are you?!» til bandet.
I CD-heftet til 1996-utgåva av albumet seier Matt Resnicoff at det ikkje er nok spørsmålsteikn i tittelen og at dette kan tyde på at tittelen ikkje er eit spørsmål, men ytringa «The Who are you», altså «Du er The Who».
Video endre
Det vart filma ein video til songen den 9. mai 1978. Opphavleg skulle The Who berre mime til songen med Roger Daltrey på live vokal, men dei valde òg å spele inn at gitarane, korvokalen, trommene og pianoet på ny. Berre bassen til John Entwistle og synthesizeren er intakt frå originalutgåva. Denne videoen vart seinare gjeven ut på The Kids Are Alright-dokumentaren. Videoen syner òg den dårlege helsa Keith Moon var i og han er tydeleg overvektig.
Salslister endre
| Liste (1978) | Plassering |
|---|---|
| Kanadiske RPM Top Singles | 7 |
| UK Singles Chart | 18 |
| US Billboard Hot 100 | 14 |
Medverkande endre
The Who endre
- Roger Daltrey - solovokal, perkusjon
- Pete Townshend - elektrisk gitar, akustisk gitar, korvokal, synthesizer
- John Entwistle - bassgitar, korvokal, synthesizer
- Keith Moon - trommer, perkusjon
Andre medverkande endre
- Rod Argent - piano
- Andy Fairweather-Low - korvokal
Ettermæle endre
Songen har vorte ein av dei mest populære songane til The Who og har vorte spelt på konsertar som Live 8 og på The Concert for New York City. Han vart nytta som kjenningsmelodi for CBS-serien CSI: Crime Scene Investigation.
Kjelder endre
- Denne artikkelen bygger på «Who Are You (song)» frå Wikipedia på engelsk, den 4. juli 2009.
- ↑ «Singles | Whotabs | The Who Tabs Guitar Bass Drums». Thewho.net. Henta 8. oktober 2019.