Steve Gregory
Steve Gregory (fødd i 1945) er ein engelsk jazzsaksofonist og komponist. Han speler tenor-, alt-, sopran- og barytonsaksofon, i tillegg til fløyte.
| Steve Gregory | |||
| Fødd | 1945 (79 år) | ||
|---|---|---|---|
| Fødestad | London | ||
| Opphav | Storbritannia | ||
| Instrument | Saksofon, fløyte | ||
| Tilknytte artistar | Dennis Bovell Dub Band, Linton Kwesi Johnson | ||
| Verka som | jazzmusikar, komponist, saksofonist | ||
Han byrja karrieren i The Alan Price Set og vart mykje nytta som studiomusikar, og arbeidde for folk som Screamin' Jay Hawkins, Fleetwood Mac og andre. I lag med Bud Beadle spelte han saksofon på «Honky Tonk Women» for The Rolling Stones i 1969. Han spelte òg med Georgie Fame og Geno Washington, Ginger Baker's Air Force, Gonzalez, Linda Lewis, Boney M. og Rocky Sharpe and The Replays. Han var ei stund i Nigeria og spelte med Fela Kuti i hans Africa Shrine.
I 1980-åra vart Gregory frilansar og spelte saksfonlinja på George Michael-hitten «Careless Whisper»,[1] og arbeidde med artistar som Bryn Haworth, Chris Rea, Alison Moyet, Freddie King, Maxi Priest, China Crisis, Queen (solo på «One Year of Love») og Amazulu. Han var òg medlem av The Animals på turneen deira i 1983-1984.
I 1990-åra spelte Gregory med Wet Wet Wet, Van Morrison, før han vart med i Dennis Bovell Dub Band og turnerte verda over med Linton Kwesi Johnson. Han gav ut det første soloalbumet sitt, Bushfire, på LKJ Records med Georgie Fame og John Deacon frå Queen.
Diskografi
endre- Bushfire, (1994) LKJ Records: LKJ CD 011
Kjelder
endre- Denne artikkelen bygger på «Steve Gregory» frå Wikipedia på engelsk, den 12. mai 2015.
- Wikipedia på engelsk oppgav desse kjeldene:
- ↑ Ellis, Lucy & Sutherland, Bryony (1998) The Complete Guide to the Music of George Michael, Omnibus Press, ISBN 978-0-7119-6822-6, s. 25